«Միայն Աստված կանխեց աներևակայելին»․ Դոնալդ Թրամփը գրառում է արել
ՄԻՋԱԶԳԱՅԻՆ
Թրամփը տեղի ունեցածից հետո հայտնել է, որ «միայն Աստված կանխեց աներևակայելին»։ Նա նախատեսում է մասնակցել Հանրապետական կուսակցության համագումարին, որում պետք է հաստատվի որպես ԱՄՆ նախագահի թեկնածու։
Truth Social սոցիալական ցանցում իր նոր հաղորդագրության մեջ ԱՄՆ նախագահի թեկնածուն շնորհակալություն է հայտնել կողմնակիցներին աջակցության համար և հավելել, որ «միայն Աստված կանխեց աներևակայելին»:
«Մենք չենք վախենա, մենք կմնանք հաստատուն մեր հավատքի մեջ և անհնազանդ՝ չարի առաջ»,- գրել է նա։
ԱՄՆ նախկին նախագահը նույնպես աջակցություն է հայտնել վիրավորներին (կրակոցներից երկուսը վիրավորվել են, նրանց վիճակն այժմ գնահատվում է ծանր)։
«Մենք մեր սրտերում ենք պահում մի քաղաքացու հիշատակը, ով այդքան սարսափելի սպանվեց», – գրել է նա՝ հանրահավաքի ընթացքում զոհված մասնակցի մասին։
Թրամփը նշել է, որ ծրագրում է մասնակցել Վիսկոնսին նահանգի Միլուոկի քաղաքում կայանալիք հանրապետականների ազգային համագումարին։ Այն կանցկացվի հուլիսի 15-ից 18-ը, որտեղ կուսակցության ներկայացուցիչները, ըստ ամենայնի, պաշտոնապես կընտրեն Դոնալդ Թրամփին որպես ԱՄՆ նախագահի թեկնածու։
«Ես իսկապես սիրում եմ մեր երկիրը և սիրում եմ բոլորիդ և անհամբերությամբ սպասում եմ այս շաբաթ Վիսկոնսինից մեր մեծ ազգին դիմելուն», – գրել է Թրամփը։
