«Մեծ թռչուն» Ռուսաստանում ներկայացվել է նոր անօդաչու թռչող սարք
ՄԻՋԱԶԳԱՅԻՆ
HeliRussia-2024 ցուցահանդեսում ներկայացվել է X-89 կվադրոկոպտերը, որը մշակվել է ՌԴ պաշտպանության նախարարության պատվերով։ Այն ունի մի շարք յուրահատուկ առանձնահատկություններ: Համապատասխան տեղեկությունը հրապարակվել է «Sputnik. Մոտակա արտասահման» հեռագրային ալիքում, գրում է voennoedelo.com-ը:
Այդ դրոնի առավելություններից է 12 կգ ծանրաբեռնվածության հնարավորությունը բուն սարքի 15 կգ քաշի պայմաններում: Անօդաչու թռչող սարքը հագեցած է էլեկտրոնային պատերազմի հակամիջամտությունների կապի ալիքով և 4K տեսախցիկով։ Բացի այդ, մշակողը նախատեսել է ջերմային պատկերիչի, լազերային թիրախի նշանառման և այլ օպտիկա-էլեկտրոնային մոդուլների ինտեգրում:
X-89-ն ի վիճակի է ավտոմատ կերպով թռչել նախագծված երթուղով պարամետրերը արագ կարգավորելու ունակությամբ: Թռիչքի առավելագույն տևողությունը մոտավորապես 32 րոպե է։
Մշակողները նաև աշխատում են արհեստական ինտելեկտի (AI) հետ տեխնիկական ինտեգրման տեսլականի վրա, որպեսի հնարավոր լինի լուծել տարբեր ինքնավար խնդիրներ, այդ թվում մարտական, հարվածային և հետախուզական: X-89-ն ի վիճակի է կատարել իր գործառույթները ցանկացած եղանակին -30-ից +50 աստիճանի ջերմաստիճանային պայմաններում:
Նյութը հրապարակման պատրաստեց Կամո Խաչիկյանը
