Հայտնի է՝ ինչ են քննարկելու Պուտինն ու Էրդողանն Աստանայում
ՄԻՋԱԶԳԱՅԻՆ
Ռուսաստանի Դաշնության և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը հուլիսի 3-ին Աստանայում կայանալիք հանդիպմանը կքննարկել ամենակարևոր հարցերը։ Այս մասին լրագրողների հետ զույցում հայտնել ՌԴ նախագահի միջազգային հարցերով օգնական Յուրի Ուշակովը, գրում է ՌԻԱ Նովոստին։
Կրեմլից հույս են հայտնել, որ հանդիպմանն անդրադարձ կկատարվի նաև Ռուսաստանի նախագահի Թուրքիա կատարելիք այցին:
«Մենք վաղուց ենք ծրագրել այցը Թուրքիա։ Կարծում եմ՝ առաջնորդները կքննարկեն այս հարցը։ Բացի այդ, կարծում եմ, որ շատ թեմաներ կան քննարկելու այնպիսի երկրների առաջնորդների համար, որոնք շատ կարևոր դեր են խաղում տարածաշրջանում՝ հաշվի առնելով Թուրքիայի դիրքը։ Նշեմ նաև, որ մենք թուրքական կողմի հետ պահպանում ենք մշտական երկխոսությունն ու շարունակական հեռախոսազրույցները։ Գիտեք՝ բոլորովին վերջերս մեր նախագահն ընդունել է Թուրքիայի արտգործնախարարին։ Բոլոր կարևոր, այդ թվում՝ զգայուն հարցերը կշոշափվեն։ Ամեն ինչ, իհարկե, չես քննարկի, բայց հիմնականները, հավանաբար, քննարկելու հնարավորություն կլինի»,- մանրամասնել է Ուշակովը։
Նա նաև հավելել է, որ հանդիպմանը, բնականաբար, կքննարկվեն նաև հետագա համատեղ աշխատանքի հեռանկարները։
