«Անշունչ և անշարժ պարկած էր»․ Ռուսաստանում կայծակը հարվածել է 8-ամյա աղջկա
ՄԻՋԱԶԳԱՅԻՆ
«Սա իսկական հրաշք է»,- այս եզակի դեպքի մասին միաձայն ասում են Իրկուտսկի մանկական տարածաշրջանային հիվանդանոցի բժիշկները։ Օրերս նրանք ընդունել են ութամյա հիվանդին, ով ողջ է մնացել կայծակի հարվածից հետո։ Դա տեղի է ունեցել հունիսի 23-ի կեսօրին, երբ աղջիկը ընտանիքի հետ հանգստանում էր Շումսկի գյուղի լճի ափին։
«Սա հայտնի լողափ է տեղացիների շրջանում», - ասում է աղջկա մայրը:
– Եղանակը լավ էր, միայն մեկ ամպ էր կախված: Երեխաները լողացին։ Բոլորը նստեցին, իսկ դուստրը կանգնեց ջրի մոտ։ Մեկ ժամ էլ չէր անցել մեր գալուց, և երկնքում որոտ լսվեց։ Հիշում եմ, որ առաջին անգամ կայծակը հարվածեց, իսկ երկրորդ անգամ ես կորցրի գիտակցությունս։ Քիչ հետո տեսանք, որ դուստրս պառկած է գետնին։ Ես վերցրեցի նրան, տարա լճից և հասկացա, որ նա չի շնչում։
Արտակարգ իրավիճակների նախարարության ակտիվ փրկարարը սկսել է երեխային սիրտ-թոքային վերակենդանացում կատարել, որը նրան ուշքի է բերել։ Շտապօգնության բժիշկները տուժածին հոսպիտալացրել են Նիժնևդինսկի շրջանային հիվանդանոց, որտեղ նրան դրել են ինդուկտիվ կոմայի մեջ։ Այնտեղից աշակերտուհուն և նրա մորը ծանր վիճակում շտապօգնության մեքենայով տեղափոխել են Անգարայի շրջանի մայրաքաղաք։
Մի-քանի օր անց աղջիկը ուշքի է եկել, այժմ նրան ոչինչ չի սպառնում։
