Հայաստանում սննդամթերքի գներն աճել են 2 տոկոսով

Հայաստանում 2017 թվականի ապրիլին մարտի համեմատ արձանագրվել է սննդամթերքի 2 տոկոս գնաճ, ինչը հիմնականում մրգի, ձկնամթերքի և բանջարեղենի՝ համապատասխանաբար 3.4-8.0% գնաճի արդյունք է: Ինչպես տեղեկացնում են ՀՀ ազգային վիճակագրական ծառայության տվյալները, բանջարեղենի ապրանքախմբում 2017թ. ապրիլին 2016թ. ապրիլի համեմատ արձանագրվել է 28.0%, իսկ 2017թ. մարտի համեմատ` 8.0% գնաճ:

Հանրապետության դիտարկված բոլոր քաղաքներում 2017թ. ապրիլին մարտի համեմատ բանջարեղենի գներն աճել են 0.5-12.8%-ով, այդ թվում` գնաճի ամենաբարձր ցուցանիշն արձանագրվել է Վանաձորում: Մայրաքաղաքում բանջարեղենի գների ընդհանուր մակարդակը նախորդ ամսվա համեմատ աճել է 8.3%-ով: 2017թ. ապրիլին 2016թ. ապրիլի համեմատ ձկնամթերքի ապրանքախմբում գրանցվել է 23.6%, իսկ 2017թ. մարտի համեմատ՝ 6.3% գնաճ: Հանրապետության դիտարկված բոլոր քաղաքներում 2017թ. ապրիլին մարտի համեմատ ձկնամթերքի գներն աճել են 2.9-11.4%-ով, այդ թվում` գնաճի ամենաբարձր ցուցանիշն արձանագրվել է Հրազդանում: Մայրա քաղաքում ձկնամթերքի գներն աճել են 5.7%-ով: Մրգի ապրանքախմբում 2017թ. ապրիլին 2016թ. ապրիլի համեմատ արձանագրվել է 22.2%, իսկ 2017թ. մարտի համեմատ`3.4% գնաճ:

Հանրապետության դիտարկված 9 քաղաքներում 2017թ. ապրիլին մարտի համեմատ մրգի գներն աճել են 0.8-7.7%-ով (գնաճի ամենաբարձր ցուցանիշն արձանագրվել Իջևանում), իսկ 2-ում գրանցվել է 0.8-0.1% գնանկում: Մայրաքաղաքում մրգի գներն աճել են 4.1%-ով: Մսամթերքի ապրանքախմբում 2017թ. ապրիլին 2016թ. ապրիլի համեմատ գրանցվել է 0.9%, իսկ 2017թ. մարտի համեմատ 1.2% գնաճ: Հանրապետության դիտարկված 10 քաղաքներում 2017թ. ապրիլին մարտի համեմատ արձանագրվել է մսամթերքի 0.1-2.4% գնաճ (համեմատաբար բարձր գնաճ գրանցվել է Վաղարշապատում), իսկ մեկում՝ 0.3% գնանկում: Մայրաքաղաքում մսամթերքի գներն աճել են 1.2%-ով: Շաքարի և շաքարավազի ապրանքախմբում 2017թ. ապրիլին 2016թ. ապրիլի համեմատ գրանցվել է 15.6%, իսկ 2017թ. մարտի համեմատ 0.5% գնաճ: Հանրապետության դիտարկված 6 քաղաքներում 2017թ. ապրիլին մարտի համեմատ արձանագրվել է շաքարի և շաքարավազի 0.2-2.4% գնաճ, (մայրաքաղաքում շաքարի և շաքարավազի գինն աճել է 0.5%-ով), մեկում՝ 0.4% գնանկում, իսկ մյուս 4-ում պահպանվել է գների նախորդ ամսվա մակարդակը: Յուղերի և ճարպերի ապրանքախմբում 2017թ. ապրիլին 2016թ. ապրիլի համեմատ արձանագրվել է 2.2%, իսկ 2017թ. մարտի համեմատ՝ 0.3% գնաճ: 2017թ. ապրիլին մարտի համեմատ հանրապետությունում գրանցվել է ոչ ալկոհոլ ային խմիչքի՝ 0.3%, սուրճի, թեյի և կակաոյի՝ 0.4%, ալկոհոլային խմիչքի և ծխախոտի 0.7% գնաճ (կապված ծխախոտային արտադրատեսակների 1.8% թանկացման հետ), իսկ հրուշակեղենի ապրանքախմբում գների մակարդակը նախորդ ամսվա համեմատ մնացել է անփոփոխ: