Ներկայացվել է բելառուսական լազերային հակադրոնային համալիրը. «Անօդաչու թռչող սարքի վրա մի քանի վայրկյան հարվածելը բավական է, և պտուտակների սայրերը պարզապես պոկվում են»
ՀԱՍԱՐԱԿՈՒԹՅՈՒՆ
Բելառուսում մշակել են անօդաչու թռչող սարքերի (ԱԹՍ) դեմ պայքարի լազերային շարժական համակարգ, որը կարող է շուկա դուրս գալ հաջորդ տարի, հայտարարել է Lemt ընկերության ներկայացուցիչը, գրում է ixbt.com-ը։
«Սա նախատիպ է, և աշխատում է։ Այնտեղ երեք կիլովատանոց լազեր է,- ասել է նա ցուցադրելով փոքր բեռնատարի մեջ տեղադրված համալիրը: Ռադարի միջոցով հայտնաբերում են թիրախները, ուղղորդվում է օպտիկան, օպերատորն ընտրում է թիրախը և տալիս ոչնչացման հրաման։ Համալիրը կարելի է ամրացնել ամեն ինչի վրա, ուզում եք, դրեք շասսիի վրա, եթե ուզում եք ոչ շարժական ինչ որ տեղ տեղադրեք: Այն աշխատում է 270 աստիճանային հատվածում, բայց մենք ձգտում ենք հասնել շրջանաձև ռոտացիայի»։
Առայժմ ենթադրվում է այդ համալիրի անհատական օգտագործում: «Իսկ հետո պետք է լինի համատեղ օգտագործում էլեկտրոնային պատերազմի համակարգերի հետ։ Որովհետև այս պահին համակարգն ինքնին անպաշտպան է ստացվում։ Մեզ անհրաժեշտ է ընդամենը մի քանի վայրկյան հարվածելու անօդաչու թռչող սարքին, և դա միակ ճանապարհն է, և որից հետո պտուտակների սայրերն ուղղակի պոկվում են: Բայց դա այն դեպքում, եթե մենք ժամանակին հայտնաբերենք դրոնը։ Իսկ եթե նրան չենք գտել, ապա մեզ պետք է պաշտպանություն էլեկտրոնային պատերազմի համակարգերի օգնությամբ»:
«Հաջորդ տարի մենք պլանավորում ենք շուկա մտնել, կտեսնենք, թե ում է դա հետաքրքրում։ Սա նախաձեռնողական զարգացում է, մենք դա արել ենք փորձարկելու լազերային ճառագայթման ազդեցությունը անօդաչու թռչող սարքերի վրա: Առաջադրանքները ներառում էին նաև տարբեր նյութերի փորձարկումներ և արագ թռչող օբյեկտներին հետևելու պրակտիկա,- ասել է մասնագետը,- ուկրաինական փորձը, իհարկե, հաշվի է առնվել, քանի որ անօդաչուների թեման շատ ուժեղ է զարգացել։ Մենք նայում ենք, թե ինչ են արտադրում ռուսական ընկերությունները և ձգտում ենք բարելավել մեր տեխնոլոգիաները անօդաչու թռչող սարքերի վրա լազերային ճառագայթման ազդեցությամբ»։
Համալիրը ստեղծվել է տեղական, չինական և ռուսական բաղադրիչներով. «Նյութերը և՛ բելառուսական են, և՛ ռուսական, և՛ արտասահմանյան։ Մենք ենք պատրաստում ոսպնյակները: Գրեթե ամբողջ ծածկույթը, ամբողջ դիզայնը մերն է, բայց կան նաև չինական բաղադրիչներ», - ասել է մասնագետը։
Նյութը հրապարակման պատրաստեց Կամո Խաչիկյանը
