«Բախվել է եկեղեցուն. քաղաքագետը նկարագրել է այն ծանր իրավիճակը, որում հայտնվել է Փաշինյանը»
ՔԱՂԱՔԱԿԱՆՈՒԹՅՈՒՆ
Մայիսի 28-ին ուժայինները փորձել են թույլ չտալ, որ հոգևորականները գնան Սարդարապատի հուշահամալիր և ի պատիվ Հանրապետության տոնի ծաղիկներ դնեն։ Փաշինյանն ասել է, որ եկեղեցու առաջնորդն արարողակարգային միջոցառմանը հրավիրված չի եղել: Վարչապետը նաև մատնանշել է երկրում ներքաղաքական ճգնաժամի բացակայությունը։
Մերձավոր Արևելքի և Կովկասի հարցերով փորձագետ, քաղաքագետ Ստանիսլավ Տարասովը svpressa.ru-ի հետ զրույցում պարզաբանել է, որ Հայաստանում ներկայիս գործընթացները ղեկավարում են հոգևորականության ներկայացուցիչները։ Իշխանությունները կասկածում են, որ դրանք Ռուս ուղղափառ եկեղեցու ենթադրյալ մեքենայություններն ու գործողություններն են։ «Իսկ ինչպես է իրեն պահում Փաշինյանը:
Նա սահմանազատումը համարում է անկախ Հայաստանի կողմից ստորագրված առաջին պետական ակտը սահմանների մասին։ Այսինքն տարածքների հանձնումը որակում է որպես հաղթանակ։
Ի դեպ, նախկինում Հայաստանում ընդդիմադիր շարժման գործընթացները ղեկավարում էին տարբեր քաղաքական կուսակցությունների ներկայացուցիչներ և նրանց հարակից մարդիկ։ Այժմ ընդդիմադիրը եկեղեցին է, որը հայոց բազմադարյան պատմության ընթացքում միշտ պահպանել է ազգն այն պայմաններում, երբ չի եղել նույնիսկ պետականություն, հավատք, մշակույթ, ավանդույթներ։ Եվ հիմա եկեղեցին է բարձրացրել ինքնիշխանության դրոշը: Իսկ դա Փաշինյանի համար խնդիրն է»,- պարզաբանել է հրապարակման զրուցակիցը։
Փորձագետն ընդգծել է, որ արքեպիսկոպոսը նկատի ունենալով Փաշինյանին դիմել է հայկական սփյուռքին «սատանային հեռացնելու» կոչով։ Մոտ 10 միլիոն հայ է ապրում երկրից դուրս: «Պատկերացրեք, եթե նրանք արձագանքեն և սկսեն ժամանել երկիր: Նրանք այդ գործընթացը լրացնելու են ոչ միայն քանակապես, այլ նաև որակապես։ Այսինքն Փաշինյանը, մեղմ ասած, 2018 թվականից ի վեր առաջին անգամ հայտնվել է շատ ծանր ու վտանգավոր իրավիճակում։ Ո՞րն է լուծումը. անցկացնել արտահերթ խորհրդարանական ընտրություններ:
Բայց նա հրաժարվում է դրանից, քանի որ հիմա կտրուկ կորցրել է հեղինակությունը։ Քանի դեռ Ներքին գործերի նախարարությունն ու անվտանգության ծառայությունը նրա կողքին են, բանակը չեզոք է։ Բայց ամեն ինչ կարող է արագ փոխվել, և դա քաղաքացիական պատերազմի վտանգ է»,- եզրափակել է Տարասովը։
Նյութը հրապարակման պատրաստեց Կամո Խաչիկյանը
