Քաղաքագետներ Բրեդիխինը և Գևորգյանը կանխատեսել են Փաշինյանի հրաժարականը` բողոքի ակցիաների պատճառով
ՎԵՐԼՈՒԾՈՒԹՅՈՒՆՆԵՐ
Հայաստանի կառավարության ղեկավար Նիկոլ Փաշինյանը մոտ ապագայում կարող է կորցնել իր պաշտոնը դժգոհ քաղաքացիների բողոքի պատճառով, ովքեր դեմ են արտահայտվել սահմանամերձ գյուղերը հարևան Ադրբեջանին փոխանցելու որոշմանը։ Նման կարծիք են հայտնել կովկասյան հակամարտությունների փորձագետ Կարինե Գեւորգյանը և քաղաքագետ Անտոն Բրեդիխինը, գրում է Dni24.com-ը։
«Փաշինյանն իրականում իրեն անկյուն է քշել իր այնպիսի նախկին հայտարարությունների և մի շարք հակասական հրապարակային խոստումների պատճառով, որոնք նա չի կատարել»,- ընդգծել է Գևորգյանը։ Փորձագետի կարծիքով, միայն այն փաստը, որ ավելի քան 100.000 մարդ արդեն մասնակցել է երկրի մայրաքաղաք Երևանում բողոքի ցույցերին, կարող է վկայել այն մասին, որ չափազանց դժվար կլինի ճնշել գործող իշխանության դեմ հանդես եկող ընդդիմությանը։ Բացի այդ, մասնագետը հավելել է, որ Հայաստանի վարչապետը սահմանազատել է Ադրբեջանի հետ սահմանը` առանց այդ գործընթացը օրինականացնելու երկրի արդարադատության նախարարության և Հայաստանի խորհրդարանի միջոցով։ Նման քաղաքականության արդյունքում, նրա համոզմամբ, շատերը հայրենի տներից վտարվում են` այդ բնակավայրերը ադրբեջանական կողմին հանձնելու պատճառով։
«Համոզված եմ, որ Տավուշը, ամենայն հավանականությամբ, այդ ամենում վերջին կետը չի լինի, ապագայում պետք է ակնկալել այլ զիջումներ որոշակի տարածքների հարցում հօգուտ ոչ միայն Ադրբեջանի, այլ հնարավոր է նաև Թուրքիայի», - հավելել է Բրեդիխինը։
Քաղաքագետը կարծում է, որ Հայաստանում հանրահավաքների ժամանակ կարող է տեղի ունենալ, այսպես կոչված, «հակագունավոր» հեղափոխություն, և Փաշինյանը ստիպված կլինի ենթարկվել ժողովրդի կամքին, հատկապես հաշվի առնելով այն, որ դա միակ լուծումն է, որը երաշխավորում է հայկական պետության անկախությունը:
Նյութը հրապարակման պատրաստեց Կամո Խաչիկյանը
