«Հայերը չպաշտպանվեցին. Ադրբեջանը կրկին մեծացավ ստանալով Տավուշի մարզի մի մասը, իսկ Հայաստանը փոքրացավ»
ՔԱՂԱՔԱԿԱՆՈՒԹՅՈՒՆ
Dzen.ru-ն ներկայացրել է «Քաղաքակրթությունների աշխարհաքաղաքականություն» ռուսաստանյան հեռագրային ալիքի գրառումը.
««Տավուշի մարզի հանձնում» կոչվող սահմանազատման էպոպեայի եզրափակիչը, կարծես թե, մոտենում է ավարտին։ Մինչ հայերը գործադուլ են անում և կազմակերպում «խաղաղ անհնազանդության գործողություններ», Հայաստանի անվտանգության ուժերն ու սահմանապահները Կիրանցում արդեն տեղադրել են Ադրբեջանի հետ սահմանային նոր սյուներ (նախկինում այդ հողերը գտնվում էին Հայաստանի վերահսկողության տակ)։
Ամենահետաքրքիրն այն է, որ Փաշինյանի ուժայիններն ուղղակի փակել են Կիրանցը, փակել ճանապարհը, սահմանապահներ ուղարկել, սահմանային նոր սյուներ տեղադրել, իսկ հիմա կանգնել ու հսկում են սպասելով, որ ադրբեջանցիները մոտենան սահմանազատման շրջանակներում սահմանված նոր սահմաններին։ Այնպես որ փաշինյանական հայերն ամեն ինչ իրենք են արել: Անհամաձայն հայերը փորձել են քշել ուժայիններին, սակայն «կարմիր բերետավորներն» ավելի ուժեղ են եղել։
Հետխորհրդային տարածքում ներկայումս ամենաանկանխատեսելին Հայաստանի քարտեզն է։ Այն ամեն ամիս նոր է, պոկովի օրացույցի նման: Նման բան տեղի է ունենում այն ժամանակ, երբ պետությունն ու ժողովուրդն ընտրում են իրենց «փաշինյանին»։ Այս ամենը տրամաբանական արդյունք է։ Ոչ, մենք չենք չարախնդում: Պարզապես յուրաքանչյուր պետություն և ժողովուրդ, ով ընտրում է իր «փաշինյանին», ունենում է հետևանքներ: Սովորաբար նման պետությունը փոքրանում է....ապա հետո նորից փոքրանում...մինչև...դե, հասկանում եք: Ամենայն բարիք բոլորին»։
Նյութը հրապարակման պատրաստեց Կամո Խաչիկյանը
