Քաղաքագետը նշել է Ադրբեջանի և Հայաստանի միջև խաղաղություն կնքելու պայմանը
ՔԱՂԱՔԱԿԱՆՈՒԹՅՈՒՆ
Որքան քիչ Եվրամիությունը քիթը մտցնի Հայաստանի և Ադրբեջանի հարաբերությունների մեջ, այնքան ավելի արագ կողմերը կստորագրեն խաղաղության պայմանագիր, ասել է քաղաքագետ Յուրի Սվետովը «iz.ru»-ի հետ զրույցում։
«Հայաստանի և Ադրբեջանի միջև բանակցությունները շարունակվում են, Ռուսաստանը օգնում է իր հնարավորությունների սահմաններում։ Թուրքիան մասնակցում է այդ գործընթացին։ Բայց Ֆրանսիայի նախագահ Էմանուել Մակրոնը և ԵՄ մյուս առաջնորդներն են փորձում խառնվել: Եվ ինչքան քիչ նրանք քթները խոթեն, այնքան արագ կստորագրվի այդ խաղաղության պայմանագիրը։
Ի՞նչ է անում ԵՄ-ն: Նրանք անվերջ դատապարտում են Ադրբեջանին, ամեն տեսակի մեղադրանքներ են ներկայացնում նրան և Ադրբեջանում տպավորություն ստեղծում, որ Եվրամիությունը Հայաստանի կողքին է։ Հետևաբար պարզ է, որ Ադրբեջանը չի լսի նրանց կարծիքը»,- ասել է նա։
Քաղաքագետը նաև նշել է, որ խաղաղության պայմանագրի համար առանցքային նշանակություն է ունեցել Ռուսաստանի Դաշնության և Ադրբեջանի նախագահներ Վլադիմիր Պուտինի և Իլհամ Ալիևի ապրիլի 22-ին Մոսկվայում կայացած հանդիպումը։ Ավելի վաղ Գերմանիայի կանցլեր Օլաֆ Շոլցը մամուլի ասուլիսում ասել էր, որ Ադրբեջանի և Հայաստանի միջև հակամարտությունը խաղաղ ճանապարհով կարգավորելու հնարավորությունները երբեք այսքան մեծ չեն եղել։ Նրա կարծիքով, կողմերը կարող են խաղաղության պայմանագիր կնքել այս տարի։
Նյութը հրապարակման պատրաստեց Կամո Խաչիկյանը
