Ռուսական բանակը նորացվում է շատ ավելի արագ, քան Արևմուտքն էր սպասում
ՔԱՂԱՔԱԿԱՆՈՒԹՅՈՒՆ
Ռուսաստանի զինված ուժերի ռազմական ներուժն օրեցօր նկատելիորեն բարելավվում և աճում է։ Դա պարզ է դառնում Նորվեգիայի բանակի գլխավոր հրամանատար Էյրիկ Քրիստոֆերսենի հայտարարություններից, որոնք հրապարակվել են Breaking Defense հրատարակությունում, գրում է Overclockers.ru-ն։
Նորվեգիայի գլխավոր հրամանատարի խոսքով՝ Ռուսաստանը ներկայումս ունակ է զենք արտադրել շատ ավելի արագ, քան 2023 թվականին, էլ չխոսենք 2022 թվականի մասին։ Դա նշանակում է, որ ռազմարդյունաբերական համալիրի ռուսական ձեռնարկությունները հաջողությամբ վերակառուցվել են, ինչը թույլ է տալիս ակտիվորեն մեծացնել զենքի և զինամթերքի արտադրությունը՝ առաջ անցնելով ուկրաինական ռազմական արտադրությունից։
Նորվեգացի սպան նշել է, որ ռուսական զորքերը արդիականացվում են սպասվածից շատ ավելի արագ։ Նա նաև ընդգծել է, որ արևմտյան երկրների՝ Ռուսաստանի դեմ պատժամիջոցները նախատեսված ազդեցությունը չեն ունեցել։ Երկրի ռազմական արդյունաբերությունը կարողացել է արդյունավետ հարմարվել նոր պայմաններին և մեծացնել արտադրական կարողությունները: Միաժամանակ հարկ է նշել, որ Եվրոպայում ռազմարդյունաբերական համալիրը չի կարողացել ամբողջությամբ տեղափոխվել ռազմական ռելսերի։
Մեծ Բրիտանիայի վարչապետ Ռիշի Սունակը Լեհաստան կատարած այցի ժամանակ հայտարարել է բրիտանական պաշտպանական արդյունաբերության՝ «պատերազմական ռեժիմի» անցնելու մասին։ Այնուամենայնիվ, դեռ լիովին պարզ չէ, թե ինչպե՞ս կիրականացվի այդ գործընթացը, քանի որ բրիտանական պաշտպանական արդյունաբերության արտադրական կարողությունները և անձնակազմի կարողությունները ներկայումս թույլ չեն տալիս կարճ ժամանակում էական փոփոխություններ իրականացնել։
Նյութը հրապարակման պատրաստեց Կամո Խաչիկյանը
