Կալաշնիկով կոնցեռնը ներկայացրել է SKAT 350M նոր հետախուզական անօդաչու թռչող սարքը
ՔԱՂԱՔԱԿԱՆՈՒԹՅՈՒՆ
Ընդամենը մի քանի տասնամյակ առաջ որոշ ուժային կառույցների կողմից անօդաչու թռչող սարքերի օգտագործումը համարվում էր գիտաֆանտաստիկ,- գրում է Overclockers.ru-ն:
Մեր օրերում ոչ մի ռազմական հակամարտություն այլևս չի կարող ընթանալ առանց նման անօդաչու թռչող սարքերի զանգվածային կիրառման։ Դրոնները կատարում են տարբեր գործառույթներ: Դրանք օգտագործվում են հետախուզության, հրետանային կրակի ճշգրտման, բացահայտված թիրախների ուղղակի ոչնչացման և նույնիսկ զինամթերքի, ջրի և սննդի առաքման համար։
Հատուկ ռազմական գործողության ավելի քան երկու տարվա ընթացքում ռուսական պաշտպանական արդյունաբերությունը զգալի առաջընթաց է կատարել տարբեր նպատակների անօդաչու թռչող սարքերի մշակման և զանգվածային արտադրության գործում։ Եվ ռուսական անօդաչու թռչող սարքերի տեսականին անընդհատ ավելանում է։
Մասնավորապես, Կալաշնիկով կոնցեռնն է ներկայացրել իր նոր հետախուզական անօդաչու թռչող սարքը՝ Skat 350M-ը։ Նոր արտադրանքը ներկայացվել է Սանկտ Պետերբուրգի Expotechnoguard ցուցահանդեսին։
Ինչպես նշվում է կոնցեռնի նյութերում, նոր սարքը նախատեսված է օդայինլ ուսանկարահանման համար և կարող է գործել նաևգիշերային ժամերին։
«Անօդաչու թռչող սարքն օգտագործում է լուսանկարահանում բարձր ճշգրտության թվային քարտեզներ ստեղծելու համար, ինչպես նաև՝ իրականացնում է տեղանքի և օբյեկտների հեռակառավարվող օնլայն տեսամոնիտորինգ, ներառյալ գիշերը թռչելու հնարավորությամբ», - ասվում է գերատեսչության նյութում:
Այդ սարքն առաջին անգամ է ներկայացվում Ռուսաստանում։ Նախկինում այն ցուցադրվել է Սաուդյան Արաբիայի մայրաքաղաք Ռիադում։
SKAT 350M անօդաչու թռչող սարքը շարժվում է էլեկտրական շարժիչով։ Սարքի թևերի բացվածքը 3,2 մետր է, աշխատանքի ժամանակը մինչև 4 ժամ, արագությունը 120 կմ/ժ։ Այդ սարքն արդեն փորձարկվել է Ռուսաստանի բանակի կողմից Հատուկ ռազմական գործողության տարածքում։ Մարտին հենց SKAT 350M-ն է օգնել հատուկ ջոկատայիններին Խարկովի մարզում հայտնաբերել չեխական RM-70 հրթիռային համակարգը, որը պատրաստվում էր հրետակոծել Բելգորոդը: Արդյունքում ռուսական ստորաբաժանումներին հաջողվել է արագ ոչնչացնել հայտնաբերված կայանքը։
Բելգիական Army Recognition մասնագիտացված ռեսուրսի համաձայն SKAT 350 M-ն առանձնանում է օգտակար գործունեության ընդլայնված հնարավորություններով, այն ունի մի քանի տեխնիկական բարելավումներ, որոնք մեծացնում են ֆոտո և ջերմային տեսախցիկների աշխատանքը:
Ընդլայնված ալգորիթմներով հագեցած բարդ մոդուլն օգնում է օպերատորներին ճշգրիտ բացահայտել և հետևողականորեն հետևել թիրախներին: Սարքը գործում է 300-ից 200 մետր բարձրության վրա, նախատեսված է հետախուզության համար և կարող է տեսանյութ հեռարձակել մինչև 100 կիլոմետր հեռավորությունից։
Անօդաչու թռչող սարքի աշխատանքային վիճակի բերելն ու գործարկումը տևում է ոչ ավելի, քան 15 րոպե։
Նյութը հրապարակման պատրաստեց Կամո Խաչիկյանը
