Քարտեզների վերաբերյալ այս պահին որեւէ համաձայնություն Հայաստանի ու Ադրբեջանի միջեւ չկա. Նիկոլ Փաշինյան
ՔԱՂԱՔԱԿԱՆՈՒԹՅՈՒՆ
Տավուշում Նիկոլ Փաշինյանն ասում էր՝ Ադրբեջանն ուզում է մի հատված, որը ՀՀ-ի մաս չի, կոնկրետ ո՞ր քարտեզով է, որ Հայաստանն ու Ադրբեջանը համաձայնվել են, ասել են՝ այ էս քարտեզով համաձայն ենք, որ այս հատվածը Ադրբեջանին է անցնում, այս հատվածը մնում է Հայաստանին: Այս մասին, այսօր՝ մարտի 20-ին, կառավարության հետ հարցուպատասխանի ժամանակ նշեց «Հայաստան» խմբակցության պատգամավոր Գեղամ Մանուկյանը:
Ի պատասխան վարչապետ Նիկոլ Փաշինյանն ասաց. «Քարտեզների վերաբերյալ այս պահին որեւէ համաձայնություն Հայաստանի ու Ադրբեջանի միջեւ չկա: Կա համաձայնություն, որ ՀՀ-ն եւ Ադրբեջանը միմյանց տարածքային ամբողջականությունը ճանաչում են Ալմա-Աթայի հռչակագրի հիման վրա: Կա ըմբռնում, որ երկու երկրների միջեւ պետք է տեղի ունենա սահմանազատման գործընթաց: Դրա համար եւս քաղաքական հիմքը պետք է լինի Ալմա-Աթայի հռաչակագիրը:
Ալմա-Աթայի հռաչակագրի հիման վրա զահմանազատում իրականացնելը նշանակում է ոչ թե նոր սահման ստեղծել, այլ Խորհրդային Միության ամենավերջին դե յուր նշանակություն ունեցող սահմանները վերաարտահայտել գետնի վրա»:
Նա նաեւ հավելեց, որ Ոսկեպարի եւ Կիրանցի բնակիչների հետ հանդիպմանը, խոսելով Ադրբեջանի դիրքորոշումների մասին, ինքը խոսել է Ադրբեջանի հրապարակային արտահայտած դիրքորոշումների մասին, որը հասանելի է բոլորին:
