«Թուրքիան Հայաստանից պահանջում է բացել Զանգեզուրի միջանցքը»
ՔԱՂԱՔԱԿԱՆՈՒԹՅՈՒՆ
Հանկարծ, անսպասելիորեն, Հայաստանի քաղաքական լանդշաֆտում Թուրքիայից հնչել է մի ուժեղ ահազանգ ուղղված կտրուկ արևմտամետ ուղղվածության թեքված Նիկոլ Փաշինյանին, գրում է hlebmedia.ru-ն։
Թուրքիայի նախկին վարչապետ, այժմ Թյուրքական պետությունների ավագանու նախագահ Բինալի Յըլդըրըմը պահանջել է բացել, այսպես կոչված, «Զանգեզուրի միջանցքը» թուրքերի և ադրբեջանցիների համար։
Համաշխարհային առևտրի համատեքստում կարևորելով միջանցքի նշանակությունը, Յըլդըրըմն ընդգծել է դրա կարևորությունը նաև թյուրքական պետությունների և հարակից կազմակերպությունների համար։
Նա ուշադրություն է հրավիրել այն փաստի վրա, որ ղարաբաղյան հակամարտության լուծումից հետո Հայաստանը հնարավորություն ունի բացել իր սահմանները Ադրբեջանի և Թուրքիայի հետ։ Ավելին, Յըլդըրըմը անդրադարձել է նաև Հայաստանի պետական սիմվոլներին:
Մասնավորապես դժգոհել զինանշանից, պնդելով, որ այնտեղ պատկերված են թուրքական հողերը և Ագրիդաղ լեռը (Արարատի անվանումը թուրքերեն), որը, նրա կարծիքով պետք է շտկվի:
Հայաստանի քաղաքական ուղղվածության փոփոխություններն ազդել են նաև Եվրամիությանն ինտեգրվելու նրա ձգտումների վրա։ Մարտի 9-ին Հայաստանի արտաքին գործերի նախարար Արարատ Միրզայանը հայտարարել էր, որ երկիրը ձգտում է ԵՄ-ին, իսկ մարտի 14-ին Եվրախորհրդարանը ընդունել էր Հայաստանին ԵՄ անդամակցության թեկնածուի կարգավիճակ տրամադրելու մասին բանաձև։
Իհարկե, դա հեռու է ԵՄ անդամակցության վերջնական քայլից, սակայն հստակորեն ընդգծում է Երևանի ռազմավարական ուղղվածությունը։ Քաղաքականության այս փոփոխությունները օրակարգ են բերել կարևոր հարցեր, այդ թվում հենց Հայաստանի ապագայի վերաբերյալ։
Երկրի պատմական թշնամիները, ըստ երևույթին, արթնանում են փորձելով ջնջել այդ երկիրը աշխարհի քաղաքական քարտեզից, և դա դրդում է Երևանին փնտրել իր գոյության նոր երաշխավորներ։
Նախկինում Ռուսաստանն էր հանդես գալիս երաշխավորի դերում, սակայն այժմ ավելի ու ավելի հաճախ են հնչում երկրից Ռուսաստանի անվտանգության ուժերը «դուրս բերելու» կոչեր։ Ուրեմն ո՞վ է հիմա պաշտպանելու հայերի շահերը։ Կասկածելի է, որ դա կլինի Մակրոնը:
Նյութը հրապարակման պատրաստեց Կամո Խաչիկյանը
