Փաշինյանին կարող է փոխարինել Տեր-Պետրոսյանի նախկին դաշնակիցը
ՔԱՂԱՔԱԿԱՆՈՒԹՅՈՒՆ
Հայաստանի ընդդիմադիր «Միասին» շարժումը կարող է վարչապետի պաշտոնում առաջադրել կառավարության նախկին ղեկավար Հրանտ Բագրատյանին, ով, ինչպես և ներկայիս կառավարության ղեկավար Նիկոլ Փաշինյանը, եղել է ՀՀ առաջին նախագահ Լևոն Տեր-Պետրոսյանի դաշնակիցը, գրում է anna-news.info-ն։
Հայտնի է, որ տնտեսական գիտությունների 66-ամյա դոկտոր Բագրյատյանը կառավարությունը ղեկավարել է 1993-1996 թվականներին։ Նա նաև Ռուսաստանի հումանիտար գիտությունների ակադեմիայի ակադեմիկոս է։
1995 թվականին նա ճանաչվել է տարվա մարդ Կենսագրության ամերիկյան ինստիտուտի կողմից, իսկ Քեմբրիջի կենսագրական կենտրոնի կողմից 1998 թվականին ՄԱԿ-ի հազարամյակի մարդ։
Բագրատյանի թեկնածությունն առաջադրել է «Միասին» շարժումը: Այդ մասին հայտարարել է շարժման համակարգող, Հայաստանի դեմոկրատական կուսակցության նախագահ Արամ Սարգսյանը, միևնույն ժամանակ, վարչապետ Նիկոլ Փաշինյանի ընդդիմադիր մյուս կուսակցությունները իրենց դիրքորոշումը չեն հայտնել Բագրատյանի վերաբերյալ։
Առայժմ կարևոր է քաղաքական ուժերի համախմբումն ու Բագրատյանի թեկնածությունը համաձայնեցնելը ժողովրդի հետ, պարզաբանել է Արամ Սարգսյանը։ Այդ հայտարարությունները հնչել են մարտի 13-ին Երևանում տեղի ունեցած հերթական հակակառավարական հանրահավաքում։
«Միասին» շարժումն ու նրա համակիրները կրկին պահանջել են ՀՀ վարչապետ Նիկոլ Փաշինյանի և կառավարության ողջ կազմի անհապաղ հրաժարականը։
Հայտարարվել է նաև, որ պատրաստվում է զանգվածային հակակառավարական ցույց: Կազմակերպիչները դիմել են Հայաստանի այլ քաղաքական ուժերի առաջնորդներին միանալ բողոքի ակցիաներին։
Նշենք, որ երկրում բողոքի տրամադրություններն ավելի են սրվել Հայաստանի վարչապետի հերթական սկանդալային հայտարարությունից հետո, ով վերջերս խոստովանել էր, որ Հայաստանի Տավուշի մարզում 4 բնակավայր է տալու Ադրբեջանին։
Ըստ Փաշինյանի, այս գյուղերն իբր Հայաստանին չեն պատկանում: Սակայն այդ հայտարարությունները, ըստ հանրապետության հայրենասիրական շրջանակների, հակասում են երկրի շահերին։ Ընդ որում, խոսքը այն տարածքների մասին է, որոնք գտնվում են հայ-վրացական սահմանին և Հայաստանից Ռուսաստան տանող մայրուղու հատվածում։
Նյութը հրապարակման պատրաստեց Կամո Խաչիկյանը
