2024թ․ ընթացքում ԱրարատԲանկը նոր «կանաչ» միջոցներ կբերի Հայաստան (լուսանկարներ)

Հայկական բիզնեսները հետզհետե անցում են կատարում կայուն բնապահպանական, սոցիալական կառավարման մոդելների, կորպորատիվ կառավարման մեջ որդեգրում՝ ESG ռազմավարություն։

Երևանում կայացած «Կայուն զարգացում և ESG․ միջազգային օրակարգ, տեղական կարիքներ» կոնֆերանսի ժամանակ քննարկվեց, թե ինչպես կարելի է բիզնեսը դարձնել էկոլոգիապես մաքուր ու արդյունավետ, որտեղ են ոլորտի մասնագիտական բացերը և դրանց լրացման ուղիները։

ԱրարատԲանկը, որը կոնֆերանսի գործընկերներից է, արդեն ունի կանաչ պարտատոմսերի հետ կապված համագործակցության փորձ՝ միջազգային հեղինակավոր «Սիմբիոտիկս» ներդրումային ընկերության հետ, որի նախաձեռնությամբ կայունության պարտատոմսերի տեղաբաշխումից ստացված $ 15.5 մլն ԱՄՆ դոլարի միջոցներն ուղղվել են ԱրարատԲանկին՝ սահմանված չափանիշներին համապատասխանող սոցիալական, ինչպես նաև «կանաչ» վարկերի ֆինանսավորման համար։

Կոնֆերանսի պանելային քննարկման ժամանակ ԱրարատԲանկի բնապահպանական և սոցիալական ռիսկերի գծով պատասխանատու Ռայիսա Բաբայանը ներկայացրեց Հայաստանում կայուն բնապահպանական, սոցիալական կառավարման մոդելներին անցնելու օրենսդրական բացերը և առկա խնդիրները։

ESG ռազմավարության հետ հաշվի չնստող ընկերությունները կարող են բախվել ֆինանսական ռիսկերի հետ և կորցնել իրենց ներդրումային գրավչությունն ու շահակիցների վստահությունը։ Կարևորելով այս ամենը՝ ԱրարատԲանկն առաջին և միակ ֆինանսական հատատությունն է, որ 2022 թվականին միացել է ՄԱԿ-ի «Գլոբալ պայմանագիր» միջազգային նախաձեռնությանը՝ պատրաստակամություն հայտնելով ներառել ՄԱԿ-ի կայուն զարգացման սկզբունքներն իր ռազմավարությունում։

Ներգրավված միջոցների մեծ մասն արդեն իսկ տեղաբաշխված են, իրականացված նախագծերից մեկի շրջանակներում, օրինակ, ԱրարատԲանկը ֆինանսավորել է շուրջ 100 էլեկտրոմոբիլների ձեռքբերում, որոնք Երևանում շահագործվում են որպես տաքսի ծառայություն։

Կոնֆերանսի գլխավոր բանախոսը Կայունության և շրջակա միջավայրի հարցերով Ավստրալիայի առաջատար փորձագետ Ջոն Դին էր, ով ներկայացրեց, թե ինչպես կարող է հայկական բիզնեսը ավելացնել շահույթը՝ նորարարության և արդյունավետության շնորհիվ։

ԱրարատԲանկը, հանդիսանալով Հայաստանի տնտեսության կարևոր բաղկացուցիչ, որդեգրել ու վարում է վարկավորման ու հետագա մոնիթորինգի այնպիսի քաղաքականություն, որի կարևոր մասը կլինի ESG ռազմավարության հիմնական դրույթները՝ սահմանելով չափորոշիչներ, որով էլ կառաջնորդվեն բանկի կողմից վարկավորված ու սպասակվող կազմակերպություններ։

Կոնֆերանսը, որը լինելու է ամենամյա, կարևոր հարթակ էր ներգրավված կողմերի համար՝ հնարավորություն տալով փոխանակվել կայուն զարգացման ռազմավարության վերաբերյալ իրենց փորձով, հիմնական ձեռքբերումներով ու առաջադրված խնդիրներով։

ԱրարատԲանկը խոստանում է 2024թ-ին «կանաչ միջոցներ» բերել Հայաստան՝ նպատակ ունենալով ապահովել «կանաչ» ֆինանսավորման հասանելիությունը հայաստանյան տնտեսվարող սուբյեկտների համար: Տարեսկզբին արդեն իսկ Բանկը ներգարվել է 5 մլն ԱՄՆ դոլար GGF-ից՝ խթանելու կանաչ ֆինանսավորումը Հայաստանում։