Հայաստանի խորհրդարանի նախկին պատգամավորը խոսել է Ռուսաստանի Դաշնության հետ հարաբերություններում իր երկրի ծրագրերի մասին
ՎԵՐԼՈՒԾՈՒԹՅՈՒՆՆԵՐ
Iz.ru-ն գրում է, որ Հայաստանի իշխանությունները Ռուսաստանի հետ հարաբերությունների վատթարացման կուրս են սահմանել արևմտյան երկրների կամքին համապատասխան։ Նման կարծիքով է «iz.ru»-ի հետ զրույցում կիսվել Հայաստանի խորհրդարանի նախկին պատգամավոր Արման Աբովյանը։
«Սրանք այլևս ազդակներ չեն, դրանք ակնհայտ քայլեր են, որոնք տանում են դեպի հարաբերությունները բարդացնելուն, խզելուն և դրա համար կլինեն բազմաթիվ պատրվակներ, բայց դա իրականում տեղավորվում է Հայաստանում գործող իշխող ռեժիմի, այսպես կոչված, արևմտամետ կուրսի մեջ, որը իրականացվում է արտաքին պատվիրատուների <...> կամքով՝ Կովկասի հարավի տարածաշրջանից Իրանն ու Ռուսաստանը դուրս մղելու նպատակով»,- ասել է Աբովյանը։
Նա նաև ենթադրել է, որ միգուցե ՀՀ իշխանությունները մի փոքր բարձրացնելով հայկական բանակի մարտունակությունը մի տեսակ PR արշավ ձեռնարկեն և հայտարարեն, որ ռուսական «հովանոցն» այլևս չի պաշտպանում Հայաստանը, ուստի այն կփոխարինվի ֆրանսիականով։ Սա արվելու է նաև որպես արևմտյան երկրների «պատվերի» մաս, որոնց հետ Հայաստանն այժմ փորձում է մերձենալ, և Երևանն անգամ չի թաքցնում, որ կատարում է այդ «պատվերը»։ Դրա շրջանակներում երկիրը դուրս է գալիս նաև Հավաքական անվտանգության պայմանագրի կազմակերպությունից։
Նախկին պատգամավորը չի կարող գուշակել, թե Հայաստանի բնակչությունը ինչպես կարձագանքի իշխանությունների արևմտամետ քայլերին, քանի որ լրատվամիջոցների միջոցով երկրում անընդհատ «ուղեղների լվացում» է տեղի ունենում, ինչը կարող է ազդել մարդկանց տրամադրությունների վրա։
Նյութը հրապարակման պատրաստեց Կամո Խաչիկյանը
