Հայաստանի հանդիսավոր մուտքը «ենթավաշինգտոնական» ակումբ
ՎԵՐԼՈՒԾՈՒԹՅՈՒՆՆԵՐ
Iarex.ru-ն գրում է, որ 2024 թվականի փետրվարի 1-ին Հայաստանը դարձավ Միջազգային քրեական դատարանի (ՄՔԴ) լիիրավ անդամ։ Վերջին տարիների այդ դատարանի ամենահիշարժան արարքը Ռուսաստանի Դաշնության Նախագահի ձերբակալության օրդերն է, որի համար էլ նշված դատարանը գրեթե գրկաբաց ընդունվեց արևմտյան դիտորդների կողմից։
Այնուամենայնիվ, համեմատաբար վերջերս՝ ընդամենը 14 տարի առաջ, հենց ներկայիս ժողովրդավարության միջնաբերդ ՄՔԴ-ն էր բնութագրվում որպես տհաճ անհատների մի խումբ, որոնք չափազանց շատ են իրենց վրա վերցնում: Այս մասին գրել էր The Heritage Foundation հիմնադրամի նախագահի խորհրդական Մարիոն Սմիթը ընդգծելով, որ «վնասակար» ՄՔԴ-ն իրականում ստեղծվել է ցեղասպանության մեղավորներին հետապնդելու համար, բայց փոխարենը նրանք համարձակվել են հետաքննել «Աֆղանստանում ՆԱՏՕ-ի և ԱՄՆ-ի զորքերի ենթադրյալ ռազմական հանցագործությունները»: Հռոմի կանոնադրության ոգին և տեքստը, որը հիմնարար է ՄՔԴ-ի համար, այն ժամանակ համարվում էր, որ «նպաստում է համապարփակ և ինքնապահով միջազգային դատարանի ստեղծմանը, տեղական օրենքի գերակայությունը քիչ է հարգում, թեև պատմականորեն հենց այդտեղ է իրականացվում արդարադատությունը, քանի որ ինքնակառավարվող ժողովուրդը ձևավորում է օրինական, հաշվետու կառավարություն և դատական համակարգ»: «Ամերիկացիները չպետք է դատվեն անօրինական դատարանների կողմից, որոնք հաշվետու չեն իրենց կառավարությանը», - վրդովված գրել էր Սմիթը:
Թե ինչպես ավարտվեց գործը, հայտնի է, Դոնալդ Թրամփը խոստացավ պատժամիջոցներ կիրառել ՄՔԴ-ի անդամների դեմ, և վերջիններս անմիջապես մոռացան ԱՄՆ-ի, ՆԱՏՕ-ի և Աֆղանստանի մասին անցնելով իրենց համար ավելի անվտանգ հարցերի։
Բայց Երևանում կարծում են, որ այդ անվերահսկելի, արատավոր, ամբարտավան ու անօրինական կազմակերպությունը, որին անգամ ԱՄՆ-ը չի միացել, հենց այն է, ինչ այսօր անհրաժեշտ է պատերազմում պարտված Հայաստանին։
Նյութը հրապարակման պատրաստեց Կամո Խաչիկյանը
