«Փաշինյանի նյարդերը. ո՞ւմ և ինչո՞ւ համար է Հայաստանում պետք «հինգերորդ շարասյուն»»
ՎԵՐԼՈՒԾՈՒԹՅՈՒՆՆԵՐ
Lentv24.ru-ն գրում է, որ Հայաստանում հետաքրքիր զարգացումներ են: Նիկոլ Փաշինյանը կրկին սկսել է խոսել «հինգերորդ շարասյան» մասին։
Դա նախկինում արդեն եղել է: Ըստ Փաշինյանի նախկինում հնչած խոսքի 2020 թվականին հայկական բանակի որոշակի «հինգերորդ շարասյուն»-ն էր մեղավոր Ղարաբաղում պատերազմում պարտվելու համար։ Եվ հիմա՝ երեք տարի անց, «հինգերորդ շարասյունը» կրկին հայտնվել է Նիկոլ Փաշինյանի ոտքերի տակ։ Եվ նա անգամ կոչ է արել Հայաստանի անվտանգության խորհրդին պայքարել դրա դեմ։ Ամեն դեպքում, այսպես է պնդում սովորաբար բանիմաց «Երևանյան դիտորդ» հեռագրային ալիքը։ «Նիկոլ Փաշինյանը խնդիր է դրել համակողմանի պայքար մղել «հինգերորդ շարասյան» դեմ, որը «երկրում վաղուց ուշացած բարեփոխումները փոխարինում է դեմագոգիայով» և ապակողմնորոշում քաղաքացիներին»,- գրել է հեռագրային ալիքը,- հաշվի առնելով Հայաստանի քաղաքական վեկտորի անորոշությունը դժվար է ասել, թե այժմ ով կնշանակվի «հինգերորդ շարասյուն»։ Բայց ակնհայտորեն խոսքը սահմանադրական բարեփոխումների հակառակորդների մասին է»։
Այո, հավանաբար, շատ հնարավոր է, որ Սահմանադրության պատճառով է Հայաստանի վարչապետը նյարդայնանում։ Որովհետև դեռ փետրվարի 1-ին Ադրբեջանի նախագահը կոշտ հայտարարություն արեց առ այն, որ Բաքվի և Երևանի միջև խաղաղության պայմանագիր կարող է կնքվել միայն Հայաստանի Սահմանադրության մեջ փոփոխություններ կատարելուց հետո։ Իսկ Հայաստանի գործող Սահմանադրությունն իսկապես ունի նախաբան հղումով Անկախության հռչակագրին, որտեղ նշվում է Լեռնային Ղարաբաղը։ Եվ դա խնդիր է։ Ի վերջո, երկրի հիմնարար օրենքի փոփոխությունները որոշվում են միայն հանրաքվեով։ Իսկ դա ոչ միայն նվաստացման նոր չափաբաժին է ողջ ժողովրդի համար, այլ նաև մեծ վտանգ, որ մարդիկ կարող են զանգվածաբար թքած ունենալ ամեն ինչի վրա և «դեմ» քվեարկել։ Եվ Փաշինյանն ու նրա շրջապատը, ըստ ամենայնի, պետք է ինչ որ կերպ համոզեն հայերին «կողմ» քվեարկել սահմանադրության փոփոխությանը, քանի որ, ըստ ամենայնի, նրանց պետք է հիմնովին սասանել երկրի հիմքերը։ Չէ՞ որ հենց հիմա է, ինչպես պնդում է հանրապետության վարչապետը «Հայաստանում պետականության ձևավորվում»։ Իսկ այդ նոր կազմավորման համար «անհրաժեշտ է վերանայել Հայաստանի պետականության հիմքում ընկած բոլոր բանաձևերը»։
Հայաստանում ոմանք, սակայն, կարծում են, որ Նիկոլ Փաշինյանը, իր նոր սահմանադրության գաղափարով, հայերին առաջարկում է «ոչ թե Չորրորդ Հանրապետության ձևավորում, այլ Երրորդ Հանրապետությունը լուծարել»։ Եվ դա շատերի կողմից ընկալվում է որպես այն, որ Նիկոլ Փաշինյանը պարզապես ցանկանում է մաքրել այն ամենը, ինչը խանգարում է իր անձնական, անվերապահ իշխանությանը։
Դե ինչ, այդպես էլ կարող է լինել։ Սակայն ամեն ինչ կարող է ավելի պարզ լինել: Նիկոլ Փաշինյանին շտապեցնում են նրանք, ովքեր իրականում Հայաստանի համար «պետականության», «անվտանգության» և «տարածաշրջանային հարաբերությունների» նոր հիմքեր են սահմանում։ Շատ հնարավոր է, որ որոշ ժամանակ անց Հայաստանն ինքը դադարի ճանաչել իրեն։
Նյութը հրապարակման պատրաստեց Կամո Խաչիկյանը
