Հայտնի է դարձել ազոտով մահապատժի ենթարկված առաջին ամերիկացու տանջանքների մասին․ մանրամասներ

Քենեթ Յուջին Սմիթը՝ առաջին մարդը, որը Միացյալ Նահանգներում մահապատժի է ենթարկվել մաքուր ազոտի կիրառմամբ, իր մահից առաջ տանջվել է:

Մահապատժի մանրամասները հայտնել է Alabama Local News-ը:

Տղամարդուն՝ գոտիներով կապած, մահապատժի սենյակ են բերման ենթարկել, որից հետո նրա դեմքին շնչառական դիմակ են դրել։ Երկու րոպե անց այն բանից հետո, երբ Ալաբամայի գլխավոր դատախազ Սթիվ Մարշալը հրամայել է մահապատժի ենթարկել, գազը սկսել է անցնել դիմակի մեջ: Լրագրողների տեղեկություններով՝ Սմիթը սկսել է փաթաթվել ու ջղաձգվել։ Եվս մի քանի րոպե անց նա թուլացել է և ուղղակի ծանր շնչելիս է եղել՝ շնչահեղձ լինելով։

Յոթ րոպե անց ուղղիչ բանտի աշխատակիցը թեքվել է դեպի բանտարկյալն ու զննել նրա դեմքը՝ նախքան իր դիրքին վերադառնալը: Մահապատժի ենթարկվածը դադարել է շնչել եւս յոթ րոպե անց։ Մահապատժի սկզբից մինչև մահը հայտարարելն անցել է ընդհանուր առմամբ 19 րոպե։

Ավելի ուշ ՄԱԿ-ի մարդու իրավունքների գերագույն հանձնակատար Ֆոլքեր Թյուրքը հայտարարել է, որ ԱՄՆ-ում ազոտով մահապատիժները խոշտանգում են մարդկանց։ Նա նշել է, որ ազոտային գազով շնչահեղձության նոր և չփորձարկված մեթոդը կարող է լինել խոշտանգում կամ դաժան, անմարդկային կամ նվաստացուցիչ վերաբերմունք:

Սմիթը մահապատժի էր դատապարտվել 1988 թվականին Քոլբերտ շրջանի իր տանը Էլիզաբեթ Դորլեն Սենեթի վարձու սպանության կազմակերպմանը մասնակցելու համար: Սենեթը քահանայի կին է եղել, որը ծեծի էր ենթարկվել ու դանակահարվել: Սմիթը սպանությունից հետո խոստովանել էր իր մասնակցությունը հանցագործության մեջ, և դատարանի արձանագրությունները ցույց են տալիս, որ նրան վճարել են մոտ 1000 դոլար Էլիզաբեթ Սենեթին սպանելու համար:

Սենեթի ամուսինը, որը ընտանիքի անդամներին խոստովանել էր, որ վարձել է Սմիթին ու նրա հանցակցին կնոջը սպանելու համար, անմիջապես հետո ինքնասպանություն էր գործել: Հանցակիցը դատապարտվել էր, իսկ ավելի ուշ՝ մահապատժի ենթարկվել 2010-ին։