Ուկրաինական բանակի սպա. «Գովաբանված Բայրաքթարներ-ը ռուսները չրթում են արևածաղկի սերմի պես»
ՎԵՐԼՈՒԾՈՒԹՅՈՒՆՆԵՐ
Politnavigator.net-ը գրում է, որ Ուկրաինան պետք է ընդունի, որ թուրքական բայրաքթարների հետ կապված բոլոր հույսերը ձախողվել են։ Այս մասին 5-րդ ալիքի եթերում հայտարարել է Գերագույն Ռադայի նախորդ գումարման պատգամավոր, «Այդար» ազգային գումարտակի նախկին զինյալ, իսկ այժմ Ուկրաինայի զինված ուժերի սպա Իգոր Լապինը։
«Հրաշք բան է, չէ՞«Բայրաքթար»-ը։ Մենք արդեն դրանք գործարաններում ենք արտադրում։ Միայն թե նա չի թռչում, «Բայրաքթար»-ը: Դե, չի թռչում: Դե, նա չի աշխատում այստեղ՝ Ուկրաինայում: Որովհետև դա կախված է եղանակից, ամպամածությունից, ամեն ինչից։ Ինչո՞ւ ենք կառուցել այդ գործարանը, արտադրություն սկսել, եթե այն չի թռչում։ Եթե նրանց արևածաղկի սերմի պես չրթում են։ Հավանաբար հիշում եք «Բայրաքթարի» օգտագործման գովազդված պատմությունները, օրինակ անապատում, որտեղ միշտ արև է, կամ նույն Հայաստանում մի քանի «Բայրաքթար» են օգտագործել՝ շատ լավ գովազդ էր։ Բայց դա մեզ մոտ չի աշխատում: Այսպիսով, մենք դրա կարիքը չունենք: «Բիզնեսում կա մի հասկացություն, որը կոչվում է «կրճատել ձեր կորուստները»: Այսինքն, եթե մենք արդեն սկսել ենք ներդրումներ կատարել, բայց տեսնում ենք, որ դա մեզ մոտ չի ստացվում, ապա մենք կրճատում ենք մեր ծախսերը և ապավինում ենք այն ամենին, ինչ աշխատում է: Ընդ որւոմ շատ բաներ կան, որ աշխատում են»,- ասել է Լապինը։
Նյութը հրապարակման պատրաստեց Կամո Խաչիկյանը
