Պուտինը Չինաստանի առաջնորդին ասել է, որ Ուկրաինայում պատերազմը կտևի հինգ տարի. ԶԼՄ-ներ

Ռուսաստանի նախագահ Վլադիմիր Պուտինը 2023 թվականի մարտին Մոսկվայում կայացած հանդիպման ժամանակ Չինաստանի նախագահ Սի Ցզինպինին ասել է, որ Ռուսաստանը կպայքարի Ուկրաինայում առնվազն հինգ տարի, գրում է ճապոնական Nikkei Asia հրատարակությունը՝ հղում անելով սեփական իրազեկ աղբյուրներին։

Ըստ ամենայնի, այս կերպ Պուտինը փորձել է հակիրճ նկարագրել ռազմական գործողությունների ընթացքում ստեղծված իրավիճակը, որն այն ժամանակ Ռուսաստանի օգտին չէր, և վստահեցրել է Սիին, որ Ռուսաստանը, ի վերջո, հաղթանակած դուրս կգա, գրում է հրատարակությունը։ Նրա կարծիքով, այս խոսքերը նշանակում էին, որ երկարատև պատերազմը ձեռնտու է Ռուսաստանին և ի վերջո կավարտվի նրա հաղթանակով, հաղորդում է DW-ն։

Մյուս կողմից, այս դիտողությունը հնչեց որպես կոչ Սիին՝ չփոխելու իր ռուսամետ դիրքորոշումը, նշում է հոդվածի հեղինակը։ Նրա տեսանկյունից, անկախ նրանից, թե արդյոք Չինաստանի ղեկավարը համոզվել է Պուտինի խոսքերով, նրանք բանալի են տալիս հասկանալու ռուս-չինական հարաբերությունների մի շարք տարակուսելի զարգացումներ, մասնավորապես գարնանը Եվրոպայում Պեկինի խաղաղապահ առաքելությունը և մի քանի ամիս անց Չինաստանի արտաքին գործերի նախարարի պաշտոնանկությունը:

Nikkei Asia-ն հիշեցնում է The New York Times-ի վերջին հրապարակումը, որտեղ ասվում էր, որ առնվազն սեպտեմբերից Պուտինը միջնորդների միջոցով ազդանշան է տալիս, որ պատրաստ է զինադադարի, պայմանով, որ Ռուսաստանը պահպանի գրավյալ տարածքները: