Հայաստանը Մոսկվայի հետ դաշինքը փոխանակում է ոչ թե Արևմուտքի կոնկրետ օգնության, այլ լոկ լղոզված խոստումների հետ

Ցավոք, պաշտոնական Երեւանը, ենթարկվելով արեւմտյան ուժերի համոզմանը, փորձում է վերաձեւակերպել իր արտաքին քաղաքական գիծը։ Մոսկվայի հետ ժամանակի փորձարկված դաշինքը փոխանակում է ոչ թե Արևմուտքի կոնկրետ օգնության, այլ լոկ լղոզված խոստումների հետ։ Ռազմավարական շրջադարձի ընթացքն արդարացնելու համար նրանք փորձում են Ռուսաստանին մեղադրել հանրապետության բոլոր դժբախտությունների, այդ թվում՝ Ղարաբաղի կորստի համար։ Մենք բազմիցս հրապարակայնորեն խոսել ենք ռուսական մտահոգությունների մասին. հիմա իմաստ չունի կրկին թվարկել Հայաստանի իշխանությունների անբարյացակամ քայլերը։ Այդ մասին ТАСС-ին տված հարցազրույցում ասել է ՌԴ ԱԳ նախարար Սերգեյ Լավրովը։ 

Լավրովը ընդգծում է՝ Հայաստանը Ռուսաստանի համար եղել և մնում է ռազմավարական գործընկեր․ «Համոզված ենք, որ բոլոր դժվարությունները ժամանակավոր բնույթ են կրում և կհաղթահարվեն քաղաքական կամքի առկայության դեպքում: Հենց ռուս-հայկական կապերի կայուն և համակարգված զարգացումն է, որ համապատասխանում է մեր երկու պետությունների ժողովուրդների արմատական շահերին»։ 

Նրա խոսքով՝ Հայաստանն այս պահին կանգնած է մի շարք մարտահրավերների առաջ. Ավելին, նրանց հնարավոր չի լինի կանգնեցնել արեւմտյան խաղացողների օգնությամբ։ ԱՄՆ-ն և ԵՄ-ն, ի տարբերություն Ռուսաստանի, չեն ձգտում խաղաղություն և կայունություն հաստատել հանրապետությունում և ընդհանուր առմամբ Հարավային Կովկասում։ Նրանց խնդիրը բոլորովին այլ է՝ դուրս մղել Մոսկվային և տարածաշրջանային մյուս ուժերին, ստեղծել լարվածության նոր օջախ Բալկաններից, Մերձավոր Արևելքից և Ուկրաինայից հետո։ Ծանր իրավիճակից ելքն ակնհայտ է՝ Երեւանի, Բաքվի եւ Մոսկվայի եռակողմ պայմանավորվածությունները կյանքի կոչել ամենաբարձր մակարդակով։