Նավթի գները բարձրանում են և շաբաթն ավարտում են աճով

Նավթի գները բարձրանում են ուրբաթ օրը և շաբաթն ավարտում են ուժեղ աճով՝ Կարմիր ծովով էներգառեսուրսների տեղափոխման հետ կապված խնդիրների պատճառով։

Կարմիր ծովում լցանավերի երթեւեկությունը կտրուկ նվազել է Եմենի հութիների կողմից նավերի վրա հարձակումների պատճառով։

Լոնդոնի ICE Futures բորսայում Brent տեսակի նավթի փետրվարյան ֆյուչերսների գինը կազմել է 80,04 դոլար մեկ բարելի դիմաց, ինչը 0,65 դոլարով (0,82%) գերազանցում է նախորդ նստաշրջանի փակման ցուցանիշը։ Նախորդ առուվաճառքի արդյունքների համաձայն՝ այդ պայմանագրերը էժանացել են 0,31 դոլարով (0,4%)՝ հասնելով 79,39 դոլարի՝ մեկ բարելի դիմաց։

WTI տեսակի նավթի փետրվարյան ֆյուչերսները Նյու Յորքի ապրանքային բորսայում (NYMEX) էլեկտրոնային սակարկություններում այս անգամ թանկացել են 0,6 դոլարով (0,81%)՝ հասնելով 74,49 դոլարի՝ մեկ բարելի դիմաց։ Հինգշաբթի օրը այդ պայմանագրերը էժանացել են 0,33 դոլարով (0,4%)՝ հասնելով 73,89 դոլարի՝ մեկ բարելի դիմաց։

Այս շաբաթվա սկզբից Brent-ը թանկացել է 4,5%-ով, WTI-ն՝ 3%-ով։