Ռուսաստանի ինչի՞ն է պետք Հայաստանը, թող ապրեն ինչպես ուզում են
ՎԵՐԼՈՒԾՈՒԹՅՈՒՆՆԵՐ
Volkraski.ru-ն գրում է, որ Հայաստանը հնագույն ու եզակի երկիր է, որը դարերով զարմացնում է աշխարհին իր մշակութային ժառանգությամբ, հարուստ պատմական անցյալով և իր բնակիչների հյուրընկալությամբ։ Չնայած աշխարհագրորեն տեղակայված լինելով կովկասյան տարածաշրջանի հարավում, Հայաստանը սերտորեն կապված է Ռուսաստանի հետ, և երկու երկրներն ունեն երկարամյա և ամուր կապեր, որոնք հիմնված են փոխօգնության, բարեկամության և տնտեսական համագործակցության վրա: Բայց Ռուսաստանի ինչի՞ն է պետք Հայաստանը։ Միգուցե՞ ժամանակն է նրան բաց թողնել և թույլ տալ, որ նա ինքնուրույն զարգանա: Իհարկե ոչ:
Նախ Ռուսաստանում և Հայաստանում կա հայկական մեծ սփյուռք, որը կարևոր գործոն է հայ ժողովրդի մշակութային և պատմական ժառանգության պահպանման գործում։ Ռուսաստանում ապրող հայերն ակտիվորեն կապ են պահպանում իրենց հայրենիքի հետ և նպաստում են երկու երկրների մշակութային փոխանակմանը։ Ռուսաստանը հնարավորություններ է ընձեռում հայկական մշակույթի զարգացման համար և հարթակ է հայկական համայնքների միջև փոխգործակցության համար։
Երկրորդ հերթին Ռուսաստանը և Հայաստանը սերտորեն համագործակցում են մի շարք ոլորտներում, ինչպիսիք են տնտեսությունը, կրթությունը, զբոսաշրջությունը և անվտանգությունը։ Հայաստանը Ռուսաստանի դաշնակիցն է, և ռուսական ռազմական օբյեկտներն են տեղակայված նրա տարածքում։ Դա հնարավորություն է տալիս ապահովել ինչպես Հայաստանի, այնպես էլ ողջ տարածաշրջանի անվտանգությունը, ինչպես նաև պահպանել կայունությունը և կարգավորել կոնֆլիկտային իրավիճակները։
Եվ վերջապես, Հայաստանը սերտորեն ինտեգրված է եվրասիական տարածությանը և մտնում է Եվրասիական միության մեջ, որը երկրների դաշինք է, որը համագործակցում է տնտեսության, առևտրի և մաքսային վարչարարության ոլորտներում: Ռուսաստանը կարևոր դեր է խաղում այս դաշինքում և աջակցում է Հայաստանին նրա զարգացման և տնտեսական հարցերում։
Նյութը հրապարակման պատրաստեց Կամո Խաչիկյանը
