ՀԱՊԿ-ից դուրս գալու օրը գալու է, եթե հանկարծ դա չլինի, ապա տեղի է ունեցել ինչ-որ ծայրահեղ իրողություն. քաղաքագետ

44-օրյա պատերազմի նախօրեին  գործընկերները ՀԱՊԿ-ից՝ ի դեմս Ռուսաստանի, Հայաստանին են  փոխանցել հնարավոր ադրբեջանական հարձակմանը հակադարձելու զորավարժություն անցկացնելու պլան, սակայն Հայաստանը դրան որեւէ կերպ չի արձագանքել: Այս մասին NEWS.am-ի հետ զրույցում  ասել է  քաղաքագետ Ալեն Ղեւոնդյանը։

«Եւ պատասխանը եղել է՝ ես հո 100 էջ չէի կարդա: Այսինքն Հայաստանում օրակարագ չկար  պատերազմում հաղթելու, այսինքն հողերը հանձնելու համար նպատակային-իմիտացիոն դիմադրություն էր եւ ի պատիվ հայկական զինված ուժերի՝ սպաների, զինվորների, իրենք շատ լուրջ կարողացան դիմադրել այդ քաոսի պայմաններում: Եթե Ադրբեջանին Թուրքիան ու Իսրայելը չօգնեին, իրենք ոչ մի կերպ չէին կարող որեւէ հաջողության հասնել եւ խնդիրը քաղաքական որոշման արդյունքում խնդիրը լուծվեց, ումից ինչ ակնկալիք ունենք»,- ասաց նա:

Ղեւոնդյանը նշում է, որ  խոսքն այն չէ, որ ՀԱՊԿ-ը իդեալական է, սակայն կարելի է քննադատել հիմնավոր փաստերո, փաստարկներ ունենալով:

«ՀՀ-ն եթե իրեն համարում է ինչքինշխան պետություն կամ առհասարակ պետություն, պետք է ունենա դեմարկացված, դելիմիտացված սահման իր հարեւաններից բոլորի հետ, այսինքն ՀՀ-ն պետք է ասի, թե ՀԱՊԿ ուղեկալները, կամ ինչ-որ ուժերըտ որտեղ պիտի տեղակայվեն, այսինքն այն ինչ պետք է Հայաստանը անի, դրանում մեղադրում է ՀԱՊԿ-ին: Ցնդաբանության, մառազմի, քաղաքական ինֆանտիլիզմի կամ մտավոր թերհասության մասին ենք մենք խոսում: ՀԱՊԿ-ը իր խնդիրներն ունի ռեգիոնում, ՀԱՊԿ-ի ընկալման մեջ իքը չպետք է ընտրություն կատարեր Հայատսանի ու Ադրբեջանի միջեւ, միշտ այդպես է եղել: Այսինքն այստեղ գործող իշխանությունների խնդիրն է թիրախավորել Ռուսաստանին»,-ասաց նա:

Քաղաքագետի խոսքով՝ իշխանության նպատակը հայ-ռուսական հարաբերությունների որակի վատացումն էր եւ որպես վերջնանպատակ  տարածաշրջանի ապառուսաֆիկացումը:

«ՀԱՊԿ-ից դուրս գալու օրը գալու է, եթե հանարծ դա չլինի, ապա տեղի է ունեցել ինչ-որ ծայրահեղ  իրողություն, որը միգուցե չհրապարակվի: Հիշում եք, Հայաստանը մի օրում որոշեց, որ մաքսային միություն պետք է գնա: Գիշերային թռիչք տեղի ունեցավ եվորապական երկրներից մեկը, այնտեղ եվրոպացիները ինչ խոստում որ տվել էին, չեղարկեցին, այս անգամ էլ է այդպես լինելու, գործող վարչապետը մեղայականով գնալու է Մոսկվա՝ ասի, կներեք ինձ, եւ փորձելու է նվազեցնի ՀՀ-ի ինքնիշխանության մակարդակը»,-ասաց նա:

Մանրամասները՝ տեսանյութում: