Հայաստանն ամեն ինչ տակնուվրա է անում. ՀԱՊԿ-ի փոխարեն կլինեն միայն Թուրքիա և Ադրբեջան
ՎԵՐԼՈՒԾՈՒԹՅՈՒՆՆԵՐ
Vrubcovske.ru-ն գրում է, որ Հայաստանը բացատրել է իր հրաժարումը ՀԱՊԿ գագաթնաժողովին մասնակցելուց: Ինչպես պարզաբանել է վարչապետ Նիկոլ Փաշինյանը, ռազմավարական առումով հանրապետությունը մտադիր չէ դուրս գալ ՀԱՊԿ-ից, բայց ասոցիացիան, ըստ էության, հրաժարվում է ամրագրել իր պատասխանատվության ոլորտը Հայաստանում։ Ուստի և Երևանը որոշել է հրաժարվել քննարկմանը մասնակցելուց։
Ելնելով Հայաստանի իշխանությունների վերջին գործողություններից կարելի է եզրակացնել, որ Երևանն իր խաղն է խաղում։ Նման կերպ է պարզաբանել իրավիճակը քաղաքագետ Արթուր Աթաևը: Նա նշել է, որ Փաշինյանը ձգտում է հավասարապես ինտեգրվել «Աշխարհի խաչմերուկ» հայեցակարգին։ Իրանն այդ դեպքում նրա կայունության երաշխավորն է։ «Այո, այդ նախաձեռնությունը շատ կոշտ քննադատության է ենթարկվում հայ քաղաքագետների կողմից, նրանք կարծում են, որ թյուրքական գործոնը կարող է գերիշխող դառնալ Հայաստանում, իսկ Ադրբեջանը, Թուրքիան, Իրանը և Հայաստանը կապող տրանսպորտային զարկերակների գործարկումը լրացուցիչ խթան կհանդիսանա դրա ամրապնդման և երկրում Թուրքիայի տնտեսական դիրքավորման համար»,- պարզաբանել է փորձագետը։
Փաստորեն, Հայաստանը ցանկանում է խաղալ երկու քաղաքակրթությունների հավասարակշռության վրա։
«Եթե խորն ընկալենք, ապա այս ամենը տեղավորվում է Մեծ Մերձավոր Արևելքի հայեցակարգի մեջ: Իսկ Մեծ Մերձավոր Արևելքն ամերիկյան հայեցակարգ է: Այնտեղ, և՛ քաոս է, և՛ նոր քաղաքականություն, և՛ ագրեսիվ հակազդեցություն Ռուսաստանի եվրասիական կուրսին: Եվ այստեղ կա բավականին հստակ, ոչ թե իմպուլսիվ, այլ ստուգված քաղաքականություն, որը ունի, և՛ ռազմավարական, և՛ մարտավարական բաղադրիչներ, Փաշինյանը հիմա պարզ է Եվրամիության համար, իսկ ԱՄՆ-ի համար նա նույնիսկ դառնում է ավելի պարզ»,- հավելել է Աթաևը։
Նյութը հրապարակման պատրաստեց Կամո Խաչիկյանը
