Աշոտյանը՝ սկանդալային ձայնագրությունների մասին

ՀՀԿ փոխնախագահ, ԿԳ նախկին նախարար Արմեն Աշոտյանը հորդորում է սպասել իրավական գնահատականին՝ կապված դպրոցի եւ մանկապարտեզի տնօրենների սկանդակային ձայնագրությունների վերաբերյալ, և հետո նոր գնահատականներ հնչեցնել: Այս մասին այսօր լրագրողների հետ հանդիպման ժամանակ նշեց ինքը՝ Աշոտյանը: Աշոտյանը  հրաժարվեց տեղի ունեցածին գնահատական տալ, որպես ԿԳ նախկին նախարար, պատճառաբանելով, որ պաշտոնավորումից հետո կրթական ոլորտին, որպես նախկին նախարար չի անդրադառնում: Փոխարենը որոշեց տեղի ունեցածի իրավական եւ քաղաքական գնահատականը տալ:

«Անկհատ է, որ այդ ձայնագրություններով զբաղվում են տարբեր պատկան մարմիներ, տեսանք ԿԳ նախարարությունն է զբաղվում, դատախազության արձագանքը եղավ, որ միայն մեկ ձայնագրության պահով է, համոզված եմ կլինի ԿԸՀ-ից արձագանք: Եկեք հասկանանք, որ իրավական պետություն կառուցելու ճանապարհին հանրային գնահատական պետք է տալ բացառապես եթե դրա համար կան իրավական հիմքեր, եթե խնդիրը իրականում արդարության մեջ է, եւ այդ տեսակյունից ես կհորդորեի մարդկանց ովքեր ցանկանում են պիտակներ կպցնել սպասել իրավական գնահատականին»,- ասաց Աշոտյանը: Վերջինս նշեց, որ կան դպրոցի տնօրններ, ովքեր ԲՀԿ-ից են, ՀՅԴ-ից, ինչպես նաեւ ՀՎԿ-ից, սակայն ՀԿ-ն դա արել է միայն ՀՀԿ-ական տնօրենների պարագայում: Հիմա Աշոտյանը կարծում է, որ այս ամենը արվել է սեւացնելու Հանրապետական կուսակցությանը:

«Եթե տվյալ տնօրենները իրականացրել են ոչ աշխատանքային ժամին, ապա ակնհայտ է, որ այստեղ խախտման մասին խոսք չկա: Ընտրողների ցուցակներ հավաքում են բոլոր քաղաքական ուժերը, եթե չեն անում, ապա վատ իրենց համար»,- նկատեց ՀՀԿ փոխնախագահը, հավելելով, որ պետք է ապացուցվի արդյո՞ք տնօրենները ցուցակագրմամբ զբաղվել են աշխատանքային ժամի, թե ոչ: Նա հայտարարեց, թե ինքը լսել է տասնյակ ձայնագրություններ, եւ կարող է փաստել, որ դրացից մեծամասնությունում օրենքի խախտում չկա: Աշոտյանը կարծում է, որ դիտորդ մարմինը եւ բոլոր նրանք ովքեր մեծ աղմուկ են հանել, որպեսզի հակաքարոզչություն անեն:

Ի դեպ Աշոտյանը ակնարկեց, որ չի բացառվում, որ «Իրազեկ քաղաքացիների միավորում» ՀԿ-ն զրկվի ընտրություններում դիտորդական առաքելություն իրականացնելուց: 
ՀՀԿ փոխնախագահը նեղսրտել է, որ տնօրեններին պիտակավորում են: