Հրաչյա Արզումանյան. Փաշինյանի իշխանությունը հենվում է Ռուսաստանի Դաշնության և Թուրքիայի աջակցության վրա
ՎԵՐԼՈՒԾՈՒԹՅՈՒՆՆԵՐ
Realtribune.ru–ն գրում է, որ Հայաստանի վարչապետ Նիկոլ Փաշինյանն Արցախի և Հայաստանի ապագայի վերաբերյալ որոշումներ կայացնելու քաղաքական, իրավական կամ բարոյական իրավունք չունի, կարծում է ռազմական վերլուծաբան Հրաչյա Արզումանյանը։ «Նա հայ ժողովրդի մանդատ չունի, առավել ևս վերին ուժերի։ Նիկոլ Փաշինյանն իր գործողություններով վերջնականապես հեռանում է հայ ժողովրդի հոգևոր, բարոյական, իրավական տարածքից, հայտնվում հոգևոր, բարոյական, իրավական օրենքներից դուրս։ Բայց նա դեռ պահպանում է իշխանությունը և քաղաքական տարածքում գործելու կարողությունը հենվելով մի շարք ուժային կենտրոնների, առաջին հերթին Ռուսաստանի Դաշնության և Թուրքիայի աջակցության վրա։ Նա հույսը դնում է նաև Հայաստանի բարձրագույն ռազմաքաղաքական ղեկավարության վրա, որը դառնում է ապօրինությունների մեղսակից և պատասխանատու Աստծո և, հուսով եմ, հայ ժողովրդի առջև»,- գրել է Արզումանյանն իր հեռագրային ալիքում։
Ըստ փորձագետի «Փաշինյանի գործողությունների արձագանքը կարող է ծավալվել միայն քաղաքական տարածքում, քանի որ նա թողել է բոլոր այլ տարածքները, անհնար է նրա դեմ իրավական մեթոդներ օգտագործել, քանի որ նա գտնվում է իրավական դաշտից դուրս»: Արզումանյանը համոզված է, որ «հայրենիքը լքած արցախահայությունը պետք է ծրագրի քաղաքական քայլեր և պատրաստ լինի գործելու քաղաքական տարածքում, ընդ որում պետք է բացառել իշխանության համար պայքարում արցախյան քաղաքական խնդրի օգտագործումը»: Ընդ որում նման փորձեր արդեն արվում են, և դրանք պետք է չեզոքացվեն առաջին հերթին հենց արցախահայության կողմից։ Արցախի խնդիրը եղել և մնում է համահայկական, ազգային, կամ դադարում է գոյություն ունենալ Արցախի հետ միասին հաջորդ մի քանի սերունդների համար։
Նյութը հրապարակման պատրաստեց Կամո Խաչիկյանը
