Կիրիլ Գևորգյանին չի հաջողվել ևս մեկ ժամկետով վերընտրվել ՄԱԿ-ի դատարանի փոխնախագահի պաշտոնում

Ռուսաստանի ներկայացուցիչ Կիրիլ Գեւորգյանը, որ զբաղեցնում էր Արդարադատության միջազգային դատարանի փոխնախագահի պաշտոնը, քվեարկության արդյունքներով չի կարողացել վերընտրվել։

Դատարանի հիմնադրումից ի վեր սա առաջին դեպքն է, երբ Ռուսաստանի Դաշնության ներկայացուցիչը չի ընդգրկվում նրա դատական ​​կազմում։ Զուգահեռաբար և անկախ գաղտնի քվեարկությամբ 70-ամյա Գեւորգյանի տեղը զբաղեցրել է ավստրալուհի Հիլարի Չարլսվորթը։ Ընտրվել են նաեւ 4 նոր դատավորներ։

ՄՔԴ-ն բաղկացած է 15 դատավորից, որոնց պաշտոնավարման ժամկետը 9 տարի է։ 3 տարին մեկ ընտրվում է հինգ մանդատ։ Մի քանի անգամ անընդմեջ ընտրվելու արգելք չկա: Դատավորներն ընտրվում են՝ ելնելով իրենց որակավորումներից և ոչ թե ազգությունից, և երկու դատավորներ չեն կարող լինել նույն երկրից:

Կիրիլ Գևորգյանը հայ ծագումով Ռուսաստանի դիվանագետ է, իրավաբան, Ռուսաստանի ԱԳՆ իրավական դեպարտամենտի տնօրեն։ Ունի արտակարգ և լիազոր դեսպանի դիվանագիտական աստիճան։ ՄԱԿ-ի միջազգային իրավունքի հանձնաժողովի անդամ է (2012-2016 թվականներ) և Հաագայի միջնորդ դատարանի մշտական պալատի անդամ (2010 թվականի հունիսի 1-ից)։ 2014 թվականի նոյեմբերին է ընտրվել ՄԱԿ-ի Միջազգային դատարանի դատավոր Ռուսաստանից (պաշտոնն ստանձնել է 2015 թվականի փետրվարին)։