«Բաղդասարով. Փաշինյանին սնում են բազմաթիվ հայազգի ռուս օլիգարխներ»
ՎԵՐԼՈՒԾՈՒԹՅՈՒՆՆԵՐ
Sm.news-ը գրում է, որ Փաշինյանի «դրամապանակները» դեռ փող են աշխատում ռուսական հողի վրա, իսկ այնտեղ ապրող բազմաթիվ էթնիկ հայերը դեռ լռում են ղարաբաղյան խնդիրների մասին։ Այդ մասին հայտարարել է քաղաքագետ, արևելագետ, Մերձավոր Արևելքի և Կենտրոնական Ասիայի հիմնախնդիրների փորձագետ Սեմյոն Բաղդասարովը։
«Այսօր Հայաստանի ՀՆԱ-ի 12,6 % աճը, իհարկե, ֆանտաստիկ է, բայց դա արվում է ռուսական շուկայի և ԵվրԱզԷՍ-ի շուկայի հաշվին: Ես բազմիցս եմ խոսել այդ մասին: Եվ նախ և առաջ ռուսական շուկայի հաշվին: Ռուսաստանի տարածքում պետք է գրագետ և հմտորեն գործել: Գաղտնիք չէ, որ Ռուսաստանի տարածքում, ի թիվս Ռուսաստանի նկատմամբ կողմնորոշված նորմալ մարդկանց, էթնիկ հայերի և այլնի, կան մի շարք օլիգարխներ, որոնք կերակրում են Փաշինյանին, և այդ մարդիկ հայտնի են, նրանց ընկերությունները հայտնի են»,- նշել է Բաղդասարովը։
Վերլուծաբանը հիշեցրել է, որ հայկական սփյուռքը, որի ներկայացուցիչներն ապրում են ռուսական հողի վրա, համարվում է ամենամեծն աշխարհում։ «Գրեթե երեք միլիոն մարդ, ԱՄՆ-ը երկրորդ տեղում է, Ֆրանսիան երրորդ, և այսպես շարունակ ավելի քան 40 երկիր, ինչո՞ւ է այդ սփյուռքը լռում, ինչո՞ւ այդ սփյուռքն իր խոսքը չի ասում, չնայած նրա ձայնը շատ լուրջ ազդեցություն է ունենում Հայաստանի ներքին քաղաքական իրավիճակի վրա: Թեկուզ ամենատարբեր փոխանցումներով, օգնություններով և այլնի պատճառով։ Ինչո՞ւ Ռուսաստանի սփյուռքը չի հավաքվում և չի դիմում այլ երկրների սփյուռքներին: Փաշինյանից դժգոհներ կան անգամ Ամերիկայում, Ֆրանսիայում, Արևմուտքում։ Ինչո՞ւ դա չի արվում: Ահա երկու լծակներ, որոնք կարող են օգտագործվել: Բայց ոչինչ չի օգտագործում: Ոչ առաջին տարբերակը, ոչ երկրորդը: Բոլորը սպասում են, որ ինչ-որ հրաշք տեղի ունենա, իսկ հետո շարքային Իվանովը, Պետրովը, Սիդորովն ուղղե՞ն սխալները». - հարց է հնչեցնում արևելագետը:
Նյութը հրապարակման պատրաստեց Կամո Խաչիկյանը
