Փաշինյանն ուզում է վերադարձնել առաջին փոխվարչապետի պաշտոնը

Հայաստանի գործող իշխանություններն արդեն առաջիկա օրերին սկսելու են կադրային վերադասավորումները, փոխելու են մի քանի նախարարների, մի քանի փոխնախարարների։ Փաշինյանը նաև ցանկանում է հեռացնել փոխվարչապետ Մհեր Գրիգորյանին, վերջինիս համարելով Ռուսաստանի հետ սերտ առնչություններ ունեցող անձ։

ՔՊ մեր աղբյուրի փոխանցմամբ, սակայն, նրան լրջորեն նախազգուշացրել են, որ նման քայլ անելու դեպքում հետևանքները կարող են չափազանց ծանր լինել, որպեսզի չեզոքացնի Մհեր Գրիգորյանի և Ռուսաստանի հետ սերտ առնչություններ ունեցող այլ պաշտոնյաների ազդեցությունը, Փաշինյանը որոշել է գնալ հակասահմանադրական քայլի։ Հիշեցնենք՝ 2018 թվականին Սերժ Սարգսյանն առաջին փոխվարչապետ էր նշանակել Կարեն Կարապետյանին, որը պաշտոնավարեց ընդամենը մի քանի օր։ Արդեն իշխանափոխությունից հետո Փաշինյանն այդ պաշտոնը չլուծարեց և առաջին փոխվարչպետի պաշտոնում նշանակեց Արարատ Միրզոյանին, որը պաշտոնավարեց ընդամենը մի քանի ամիս, իսկ արդեն դեկտեմբերից հետո դարձավ Ազգային ժողովի նախագահ։

2018 թվականից մինչ օրս, շուրջ 5 տարի, Հայաստանն առաջին փոխվարչապետ չունի։ Մեր աղբյուրի փոխանցմամբ՝ Փաշինյանը ցանկանում է կրկին վերադարձնել այդ պաշտոնը և առաջին փոխվարչապետ նշանակել արևմտամետ որևէ անձի, հատկապես Եվրամիության հետ հարաբերությունները քննարկելու, խոստացված 2,6 միլիարդ եվրոյի ճակատագիրը տնօրինելու համար։ Ըստ երևույթին, Փաշինյանը մտածում է, թե Մհեր Գրիգորյանը սաբոտաժ է անում 2,6 միլիարդ եվրոյի վերաբերյալ, քանի որ առնվազն 2020 թվականի 44-օրյա պատերազմից հետո խոստացված գումարից ոչ մի սենտ Հայաստանին չի փոխանցվել։ Մասնավորապես Փաշինյանը մտածում է առաջին փոխվարչապետի պաշտոնում նշանակել նախկին վարչապետ, «Հանրապետություն» կուսակցության նախագահ Արամ Սարգսյանին, թեև բացառվում է, որ Փաշինյանն այդ պաշտոնն առաջարկի մեկ այլ անձի՝ մասնավորապես քննարկումներ են ընթանում «Լուսավոր Հայաստան» կուսակցության նախագահ Էդմոն Մարուքյանի թեկնածության շուրջ, վերջինս տևական ժամանակ Փաշինյանին ապացուցել է իր հավատարմությունը և այժմ էլ լրջորեն հավակնում է առաջին փոխվարչապետի պաշտոնին։ 

Մերի Սիմոնյան