Փաշինյանի հրաժարականը կանխորոշված է, միայն սցենարն է անհասկանալի
ՎԵՐԼՈՒԾՈՒԹՅՈՒՆՆԵՐ
Vybor-naroda.org–ը գրում է, որ քաղաքագետ, Accents վերլուծական կենտրոնի ղեկավար, PRISP կենտրոնի փորձագետ Անտոն Չաբլինը պատմել է Հայաստանում տիրող իրավիճակի և Հայաստանի վարչապետի քաղաքական կարիերայի մասին։
Նիկոլ Փաշինյանը, իհարկե, այժմ հետխորհրդային տարածքում ամենահակասական դեմքերից է։ Նախկին ազդարար լրագրողը, ներխուժելով մեծ քաղաքականություն հակաբռնապետական տրամադրությունների ալիքի վրա, այժմ ինքն է դարձել «բռնապետ»։ Դե, հետխորհրդային աշխարհի համար սա առաջին դեպքը չէ։
Վերցնենք, օրինակ, Միխայիլ Սահակաշվիլիին կամ Կուրմանբեկ Բակիևին։ Կարծում եմ` Փաշինյանը պետք է հիշի նրանց ճակատագիրը: Սահակաշվիլին և Բակիևը հետագայում քաղաքական էմիգրանտներ են դարձել՝ մեկը Ուկրաինայում, մյուսը Բելառուսում։
Փաշինյանի «Քաղաքացիական պայմանագիր» կուսակցությունն արդեն ջախջախիչ պարտություն է կրել Երևանի ավագանու ընտրություններում։ Ավելին, ընտրությունները տեղի են ունեցել դեռևս Ղարաբաղում ողբերգական իրադարձությունների սկսվելուց առաջ, այսինք արդեն այդ ժամանակ Երևանի ընտրողները (հիշեցնեմ, որ Երևանը Հայաստանի բնակչության մեկ երրորդն է) հոգնել էին Փաշինյանից։
Նույնիսկ, եթե ընդդիմությունը, որն այժմ ծրագրում է վրանային ճամբար ստեղծել Ֆրանսիայի հրապարակում (ինչպես արդեն եղել է 2022 թվականի մայիսին), չհասնի Փաշինյանի շուտափույթ հրաժարականին, նրա հեռանալը կանխորոշված է։ Դա պարզապես ժամանակի հարց է: Սակայն, իհարկե, ելքի սցենարը դեռ պարզ չէ՝ կա՛մ Սահակաշվիլու պես՝ աքսոր, կա՛մ Սերժ Սարգսյանի պես՝ նույն Փաշինյանի կողմից տապալված Սարգսյանի՝ պարզապես քաղաքական մոռացություն։
Նյութը հրապարակման պատրաստեց Կամո Խաչիկյանը
