Քաղաքագետ Իշչենկոն մեկնաբանել է Հայաստանի ինքնաոչնչացումը
ՎԵՐԼՈՒԾՈՒԹՅՈՒՆՆԵՐ
Voennoedelo.com-ը գրում է, որ քաղաքագետ, հրապարակախոս, պատմաբան և ուկրաինացի նախկին դիվանագետ Ռոստիսլավ Իշչենկոն voennoedelo.com-ի հետ զրույցում մեկնաբանել է Լեռնային Ղարաբաղի շուրջ վերջին սրացումը։ Փորձագետի կարծիքով, այն ամենը, ինչ տեղի ունեցավ, բնական հարված է Հայաստանին:
«Փաշինյանը բացահայտորեն զբաղվում էր Ռուսաստանին Անդրկովկասից դուրս մղելու գործով. «Ես հանձնում եմ Ղարաբաղը, և մեղավոր է լինելու Ռուսաստանը»: Փաշինյանն ինքն է հանձնել Ղարաբաղը, իսկ մինչ այդ ինքն է ճանաչել Ղարաբաղը որպես Ադրբեջանի տարածք։ Դա նշանակում է, որ Բաքուն ուներ գործելու լիակատար ազատություն, քանի որ յուրաքանչյուր պետություն իրավունք ունի կարգուկանոն հաստատել իր տարածքում։ Եվ հետևաբար Ռուսաստանը որևէ ակտիվություն չի ցուցաբերել, իսկ խաղաղապահները գործել են իրենց մանդատի շրջանակներում»,- մեկնաբանել է Իշչենկոն:
Ինչ վերաբերում է ՀԱՊԿ-ին, ապա, ինչպես հիշեցրել է Իշչենկոն, Հայաստանի վրա ոչ ոք չի հարձակվել, իսկ Երևանն ինքը չի դիմել կազմակերպության օգնությանը։
«Ծիծաղելի կլիներ նախ Ղարաբաղը ճանաչել որպես Ադրբեջան, հետո դիմել ՀԱՊԿ-ի հետ։ Եթե դա Ադրբեջանի տարածքն է, ապա ինչի՞ հիման վրա Ռուսաստանը պետք է գործի Ադրբեջանի տարածքում ընդդեմ Ադրբեջանի։ Նման պատճառներ չկան։ Ուստի Ռուսաստանը լիովին հանգիստ կատարեց իր առաքելությունը խաղաղապահների մանդատի շրջանակներում։ Այնպես որ, սա հարված չէ Ռուսաստանին, չնայած նա վատացրել է իր դիրքերը Անդրկովկասում, սա մաքուր ինքնասպանություն է Հայաստանի համար»,- ասում է Ռոստիսլավ Իշչենկոն։
Քաղաքագետը նշել է, որ Ռուսաստանին Արևմուտքով փոխարինելու վարչապետ Փաշինյանի բոլոր ջանքերն ամբողջությամբ ձախողվելու են։ «Արևմուտքն այնտեղ չի գնա: Հայաստանն ուղղակի այնտեղից կկորչի ու կդառնա Թուրքիայի սովորական արբանյակը։ Անդրկովկասում ռուսական դիրքերը թուլացել են ոչ թե այն պատճառով, որ Ադրբեջանը վերցրեց Ղարաբաղը, այլ այն պատճառով, որ Հայաստանում իշխանության եկավ Նիկոլ Փաշինյանը։ Ավելին, նրան իշխանության բերեց հայ ժողովուրդը, և դա, ի դեպ, պահպանվում է մինչ օրս»,- շարունակել է քաղաքագետը:
Voennoedelo.com-ի զրուցակիցը ափսոսանք է հայտնել, որ հայ քաղաքական գործիչները ոչինչ չեն սովորել Բելառուսի փորձից, որը նույնպես «փորձում էր նստել երկու աթոռի վրա», սակայն վերջին պահին Մինսկը վերջնական որոշում կայացրեց լինել Ռուսաստանի հետ։
Նյութը հրապարակման պատրաստեց Կամո Խաչիկյանը
