Ադրբեջանի կողմից ուժի կիրառման եւ հայատյաց քաղաքականության հետեւանքով ԼՂ-ն ենթարկվել է փաստացի էթնիկ զտման. Միրզոյան
ՔԱՂԱՔԱԿԱՆՈՒԹՅՈՒՆԱդրբեջանի կողմից ուժի կիրառման եւ հայատյաց քաղաքականության հետեւանքով այսօր ԼՂ-ը ենթարկվել է փաստացի էթնիկ զտման: Այս մասին այսօր՝ հոկտեմբերի 3-ին, Ֆրանսիայի ԱԳ նախարարի հետ մամուլի ասուլիսին ասաց ՀՀ ԱԳ նախարար Արարատ Միրզոյանը:
«ԼՂ 100 հազարից ավելի բնակչությունը ստիպված է եղել լքել իր պատմական հայրենիքը, բախվելով գոյաբանական վտանգների, հիմնավոր մտավախություն ունենալով իրենց կյանքի, իրենց ընտանիքի, այդ թվում ծերերի, երեխաների անվտանգության հարցում: Եւ այդ մտավախությունը հիմնավորվում է ոչ թե տեսական փաստարկներով, այլ ընդամնեը օրեր առաջ, սեպտեմբերի 19-ին Ադրբեջանի կողմից Լեռնային Ղարաբաղի ժողովրդի կողմից իրականացված լայնածավալ ռազմական հարձակմամբ, որի ժամանակ թիրախավորվեցին նաեւ քաղաքացիական բնակչությունն ու ենթակառուցվածքները»,-ասաց նա:
Միրզոյանը նշեց, որ միջազգային դերակատարների հայտարարություններն ու գործադրված ջանքերը բավարար չէին կանխարգելելու զանգվածային ոճրագործությունների կանխման համընդհանուր հանձնառությունը ու ապահովելու ԼՂ անվտանգ եւ արժանապատիվ կյանքն իր բնօրաննում:
«Տարածաշրջանային զարգացումներով պայմանավորված ուժի կամ ուժի սպառնալիքի հետագա կիրառման, ՀՀ տարածքային ամբողջականության եւ ինքնիշխանության, ժողովրդավարության նկատմամբ նկրտումների զսպումը շարունակակակն մարտահրավեր է: Հայկական կողմը հավատարիմ է տարածաշրջանում կայունության հաստատման ուղղությամբ ջանքերի գործադրմանը, այդուհանդերձ երկարատեւ խաղաղության համար առանցքային են բոլոր առկա հիմնախնդիրները քաղաքական երկխոսության ճանապարհով լուծելու փոխադարձ պատրաստակամությունը»,-ասաց նա:
Նախարարի խոսքով՝ այդ հարցերը ներառում են ՀՀ ինքնիշխան տարածքից Ադրբեջանի զորքերի դուրսբերումը, ՀՀ եւ Ադրբեջաբնի միջեւ պետական սահմանի առավելագույն հստակեցումը1975 թվականի քարտեզի հիման վրամ ինչպես նաեւ տարածաշրջանային ենթակառուցվածքների ապաշրջափակումւը երկրների ինքինշխանության եւ իրավազորության ներքո:
«Մեզ համար կարեւոր է նաեւ հումանիտար հարցերի քննարկումը, ինչպես օրինակ գերիների վերադարձի հարցն է»,-ասաց նա:
Միրզոյանը իր ելույթն ամփոփելով Ֆրանսիայի ԱԳ նախարարին ասաց, որ ՀՀ-ն կարիքն ունի եւ ձգտում է առավել սերտ գործընկերության եւ բարեկամության:
