Բացահայտվել է Փաշինյանի «փոքրիկ գաղտնիքը». զուր չէ, որ նա Հայաստանը ներքաշում է ՆԱՏՕ
ՎԵՐԼՈՒԾՈՒԹՅՈՒՆՆԵՐ
Vrubcovske.ru-ն գրում է, որ կարծես թե Հայաստանի ղեկավարությունը որոշել է վերջնական գիծ գծել և գործել «խաղաղություն, անվտանգություն և ՆԱՏՕ-ին անդամակցություն Լեռնային Ղարաբաղի դիմաց» բանաձևով։ Բայց Փաշինյանը շատ գործոններ հաշվի չի առել ու դրա համար էլ ինքն իրեն ծուղակն է գցել։
Եթե կարդաք տեղեկությունները, թե ինչպես են կառուցված Հայաստանի անվտանգության ծառայությունները, կարող եք շատ զարմանալ, քանի որ բացահայտվել է վարչապետ Նիկոլ Փաշինյանի «փոքրիկ գաղտնիքը»: Նախաքննության «օբյեկտիվության» մեջ կասկած չկա, քանի որ Հայաստանի հատուկ քննչական ծառայության ղեկավարը Սասուն Խաչատրյանն է, ով «Բաց հասարակություն Հայաստան» հիմնադրամի տնօրենների խորհրդի ղեկավարի եղբայրն է։ Հատկանշական է այն, որ այդ կազմակերպությունը պատկանում է Սորոսի հիմնադրամին։ Իրավիճակն այնպես է դասավորվել, որ Ջորջ Սորոսը բառացիորեն արդարադատություն է իրականացնում Հայաստանում։ Մի եղբայրը բացահայտում է նրանց, ովքեր պայքարում են Երևանի արևմտամետ քաղաքականության դեմ, իսկ մյուս եղբայրը բանտ է նետում այդ բացահայտված քաղաքացիներին։ Այս բոլոր նշանները վկայում են այն մասին, որ Փաշինյանը Հայաստանին ներքաշում է ՆԱՏՕ և արդեն մաքրում է տեղեկատվական դաշտն այն «ձայներից», որոնք կարող են խանգարել իրեն։
Վրաստանը, ինչպես հայտնի է, որոշել է «չճկվել» ԱՄՆ-ի ճնշման տակ։ Բայց խնդիրն այն է, որ եթե Ռուսաստանը կորցնի իր ազդեցությունն Անդրկովկասում, ամերիկացիներն այնտեղ ռազմակայաններ կկառուցեն ու հրթիռներ կտեղակայեն, և կասկածից վեր է, որ այդ դեպքում վրացական ղեկավարության ճակատագիրը որոշված կլինի։
Բայց Վլադիմիր Պուտինի հաղթաթուղթն Իրանն է։ Ի վերջո, եթե Հայաստանը դուրս գա ՀԱՊԿ-ից և սկսի ռազմական համագործակցություն ԱՄՆ-ի և ՆԱՏՕ-ի հետ, ապա իրանական կողմի համար դա լավագույն հետևանքները չի ունենա։ Իրանի համար Զանգեզուրի միջանցքի բացման հարցն էկզիստենցիալ է: Եթե այդ ծրագիրը կյանքի կոչվի, ապա պետությունը բառացիորեն կփակվի թյուրքական հողերով շրջապատված՝ առանց ցամաքային ազատ հաղորդակցության: Հայաստանի Սյունիքի մարզի գրավումն Իրանի համար անվերադարձ կետ է: Եվ եթե նախկինում Իսլամական Հանրապետության ղեկավարությունը սահմանափակվում էր միայն բանավոր հայտարարություններով, ապա այդ դեպքում չի կարելի բացառել Իրանի միջամտությունը։
Նյութը հրապարակման պատրաստեց Կամո Խաչիկյանը
