Հայաստանը հերթական հակառուսական քայլն է անում
ՎԵՐԼՈՒԾՈՒԹՅՈՒՆՆԵՐ
Հայաստանը հերթական հակառուսական քայլն է անում, որը նոր խնդիրների է բերելու հայ-ռուսական հարաբերություններում։ Այս տարվա սեպտեմբերի 5-ին ՀԱՊԿ-ում Հայաստանի մշտական ներակայցուցիչ Վիկտոր Բիյագովը հետ կանչվեց և նշանակվեց Նիդերլանդներում Հայաստանի արտակարգ և լիազոր դեսպան։ Մինչ օրս, ՀԱՊԿ-ում Հայաստանը մշտական ներկայացուցիչ չի նշանակել և, ըստ աղբյուրների, որոշել է, որ ընդհանրապես Բիյագովին փոխարինող չնշանակել, դեսպանի պաշտոնը թափուր կմնա։
ՀԱՊԿ-ից և Ռուսաստանից Հայաստանի դժգոհությունները վերջին շրջանում սրվել են, մեր երկիրը բազմիցս ՀԱՊԿ-ին մեղադրել է ադրբեջանական ագրեսիային բավարար չափով չարձագանքելու և օգնություն չտրամադրելու մեջ։ Միևնույն ժամանակ, որքան էլ արդարացված լիներ այս դժգոհությունները, ՀԱՊԿ-ի և Ռուսաստանի դեմ նման դեմարշները կարող են լրջագույն հետևանքներ ունենալ։ Իզուր չէ, որ հենց երեկ Ռուսաստանի արտգործնախարար Սերգեյ Լավրովը «ՏԱՍՍ»-ին տված հարցազրույցում Հայաստանի ղեկավարությանը խորհուրդ է տվել հիշել այն երկրներին, որ նախանձելի ճակատագիրը, որոնք հույսը դրել են ԱՄՆ-ի վրա։ Հարցին, թե կարո՞ղ է Հայաստանը կորցնել Ռուսաստանին, նա նշել է, որ Երևանում մի քանի առաջատար քաղաքական գործիչներ ցանկանում են նման սցենար և նայում են դեպի Արևմուտք։ «Գիտեք այնտեղ շատ մարդիկ կան, ովքեր ցանակնում են կորցնել Ռուսաստանը և նոր ընկերներ ձեռք բերել»,- ասել է Լավրովը։ Նա ընդգծել է, որ ամեն դեպքում աշխարհաքաղաքական առումով չի կարելի անտեսել Ռուսաստանի շահերը Հարավային Կովկասում։ Ռուսաստանի արտգործնախարարը միանշանակ ուշադրության է հրավիրել այն փաստի վրա, որ նմանատիպ մտքեր հնչել է նաև Հայաստանի վարչապետ Նիկոլ Փաշինյանի վերջին ուղերձում։ Փաշինյանի հակառուսական վերջին դրսևորումներից հետո Ռուսաստանն այնքան դեղին քարտեր է ցույց տվել գործող իշխանություններին, որոնք այլևս դուրս են բարեկրթության սահմաններից։ Կոնկրետ թե ի՞նչ կարող է անել իշխանությունը, ինչ կարող է անել Ռուսաստանը Հայաստանի դեմ, դեռ բարդ է ասել, սակայն այն, որ հետևանքները լինելու են, որևէ մեկը չի կասկածում։
Էլեն Մուրադյան
