««Կովկասյան պատերազմը շեմին է». Հայաստանը չի գոյատևի առանց Ռուսաստանի և միութենական պետության»
ՎԵՐԼՈՒԾՈՒԹՅՈՒՆՆԵՐ
Politnavigator.net-ը գրում է, որ Հայաստանը ստիպված կլինի միանալ Միութենական պետությանը կամ կմնա առանց Ռուսաստանի պաշտպանության և կպարտվի Ադրբեջանի հետ մոտալուտ պատերազմում։
PolitNavigator-ի թղթակիցի հետ զրույցում նման կարծիք է հայտնել քաղաքագետ Ռուսլան Բորտնիկը։
«Մոսկվայի ռազմավարությունն է կամ ստիպել Փաշինյանին միութենական պետության գիրկն ընկնել, կամ ստեղծել այնպիսի անվտանգային ճգնաժամ Հայաստանի համար, որ Հայաստանն ինքը հրաժարվի Փաշինյանից, և գան առաջնորդներ, որոնք համաձայն կլինեն ամեն ինչ անել Մոսկվայի համար։ Բայց փաստն այն է, որ առանց Ռուսաստանի պաշտպանության Հայաստանը չի կարող դիմակայել այդ տարածաշրջանում։ Ռուսական ռազմակայանը գտնվում է ոչ միայն Ղարաբաղում, այլ նաև Գյումրիում՝ Հայաստանի տարածքում։ Հայաստանի զինված ուժերը միացյալ ադրբեջանա-թուրքականից կարգով ավելի թույլ են, և եթե նոր պատերազմ սկսվի, դա այլևս Ղարաբաղի համար չի լինի, այն արդեն կլինի թուրք-ադրբեջանա-հայկական»,- նշել է նա։
«Հայերը այդ պատերազմում հաղթելու սակավ շանսեր ունեն։ Մի կողմից Փաշինյանը հիանալի հասկանում է Մոսկվայի վերջնագիրը և փորձում է դուրս գալ այդ ճնշման տակից, բայց չի կարողանում, քանի որ տարածաշրջանում անվտանգության այլ այնպիսի երաշխավոր չկա, որը բավարար Հայաստանի գոյության համար բավարար երաշխիքներ կտա։ Խոսքն անգամ սահմանների մասին չէ, այլ պարզապես գոյության երաշխիքների մասին։ Ներկայումս եթե ոչ ոք չզիջի, և փոխզիջում չգտնվի, ապա կհայտնվենք նոր կովկասյան պատերազմի շեմին»,- ասել է Բորտնիկը։
Նյութը հրապարակման պատրաստեց Կամո Խաչիկյանը
