Փաշինյանի հոգևարքը. Դավաճանել Ռուսաստանին և Հայաստանին տանել Արևմուտք
ՎԵՐԼՈՒԾՈՒԹՅՈՒՆՆԵՐ
Iarex.ru-ն գրում է, որ Հայաստանի վարչապետ Նիկոլ Փաշինյանը զանգահարում է ողջ աշխարհին և խնդրում պաշտպանել Հայաստանը։ Մեկ օրվա ընթացքում նա զրուցել է հինգ համաշխարհային առաջնորդների հետ։ Բայց հիմա Պուտինին չես կարող զանգահարել...
Հեռագրային ալիքներն ու քաղաքագետները մեկնաբանել են Հայաստանում տիրող իրավիճակը։
Распутица հեռագրային ալիք.- «Ադրբեջանը զորքեր է կենտրոնացրել Հայաստանի հետ սահմանին և Լեռնային Ղարաբաղի հետ բաժանարար գծում, ասել է Հայաստանի վարչապետը։ Ռուսաստանի և Հայաստանի հարաբերությունները, դատելով վերջին իրադարձություններից, սահում են դեպի անդունդ (ինչպես արդեն նշել ենք մեր «փափուկ ուժի» հետ ինչ որ բան այն չէ հետխորհրդային տարածքում): Նիկոլ Փաշինյանն ավարտում է իր խաղը: Մոսկվայում Հայաստանի դեսպանին կանչել են ՌԴ ԱԳՆ, կոշտ արտահայտություն են արել նրա հասցեին և բողոք արտահայտվել՝ կապված Հայաստանի ղեկավարության մի շարք գործողությունների և հայտարարությունների հետ։ Վերջին օրերին Հայաստանի ղեկավարությունը մի շարք ոչ բարեկամական քայլեր է ձեռնարկել, այդ թվում ՄՔԴ-ի Հռոմի կանոնադրության վավերացման գործընթացի մեկնարկը, վարչապետի տիկնոջ՝ Աննա Հակոբյանի այցը Կիև, ԱՄՆ-ի մասնակցությամբ վարժանքների անցկացումը հայկական տարածքում, որը նրանց առջև բացում է ռուսներին Անդրկովկասից դուրս մղելու հնարավորությունների պատուհան։ Ամերիկացիներին այնտեղ հակամարտություն է պետք։ Իսկ հիմա դա կազմակերպելը խնդիր չէ։ Հայաստանի նախագահ Փաշինյանը վաղուց է ընտրել այն աթոռը, որի վրա նստելու է»:
Футляр для курая հեռագրային ալիք.-«Հայաստանի վարչապետ Փաշինյանն այսօր, փորձելով կարգավորել ստեղծված իրավիճակը, զանգահարել է էնտոնի Բլինկենին, Էմանուել Մակրոնին, Իրանի նախագահ Ռաիսիին, Գերմանիայի կանցլեր Շոլցին... Փաշինյանը չի զանգահարել Ռուսաստան: Սոցիալական ցածր պատասխանատվությամբ վարչապետ»:
Тайный советник Z հեռագրային ալիք.- «Ադրբեջանի և Հայաստանի բանակները զորքերը տանում են դեպի սահման: Փաշինյանը պատրաստ է ցատկոտելով վազել Ալիևի մոտ բանակցությունների և խաղաղության քննարկման համար: Հայաստանի վարչապետը սխալ պահին որոշել է խաղալ երկրի սուբյեկտիվության հետ և փչացնել հարաբերությունները Կրեմլի հետ։ Հետաքրքիր է, ժողովուրդը ե՞րբ է հեղափոխություն կազմակերպելու նրա դեմ»։
Քաղաքագետ Յուրի Սվետովն է խոսել Փաշինյանի քաղաքական ամենակերության մասին.- «Իմ խորին համոզմամբ Փաշինյանը հակառուսական քաղաքական գործիչ է։ Հայաստանը մեծապես կախված է իր օտարերկրյա սփյուռքից»։
Sputnik Армения-ի լուրերից.- «Ուկրաինական «երախտագիտությունը» Փաշինյանի կնոջ Բուչա այցի համար չուշացավ: Եվրոպացի կուրատորների հայտարարությունից հետո Ուկրաինայի արտաքին գործերի նախարարության կայքում հայտնվել է գրառում. «Ուկրաինան չի ճանաչում այսպես կոչված «նախագահական ընտրությունները», որոնք տեղի են ունեցել սեպտեմբերի 9-ին Լեռնային Ղարաբաղի տարածքում ( Ադրբեջանի Հանրապետություն)» և աջակցում է «Ադրբեջանի Հանրապետության տարածքային ամբողջականությանն իր միջազգայնորեն ճանաչված սահմաններում»»:
ZАПИСКИ VЕТЕРАНА հեռագրային ալիք.- «Ռուսաստանի նկատմամբ Հայաստանի վերջին ոչ բարեկամական քայլերից հետո (հայ պաշտոնյաների սադրիչ հայտարարություններ, Փաշինյանի կնոջ այցը Կիև, Հռոմի ՄՔԴ կանոնադրության վավերացման գործընթացի սկիզբ և ԱՄՆ-ի հետ համատեղ զորավարժությունների մասին հայտարարություններ), կարծում եմ, որ իրավիճակը Լեռնային Ղարաբաղում կարող է սկսել զարգանալ բոլորովին անսպասելի սցենարով»:
Քաղաքագետ Մարկովի տրամաբանությունը.- «Փաշինյանը զանգահարում է ամբողջ աշխարհին և խնդրում է պաշտպանել Հայաստանը: Նա զանգահարել է Ֆրանսիայի, Գերմանիայի, Իրանի և Վրաստանի ղեկավարներին։ Նա նաև զանգահարել է Բայդենին, բայց Բայդենը հրաժարվել է խոսել նրա հետ, ուստի ստիպված է եղել խոսել պետքարտուղար Բլինկենի հետ: Փաշինյանը Մոսկվա չի զանգում: Որովհետև նա գիտի, որ Մոսկվայում իրեն՝ դավաճանին, ատում են։ Փաշինյանի ծրագիրը պարզ է՝ իր սադրանքներով ստիպել Ադրբեջանին զորք մտցնել Ղարաբաղ, Հայաստանի այդ պարտության համար մեղադրել Ռուսաստանին, և օգտվելով Հայաստանում տիրող հիասթափությունից կտրուկ շրջել Հայաստանը Ռուսաստանից դեպի Ռուսաստանի թշնամիներ՝ Արևմուտք։ Նա այդ ամենը տեսնում է որպես իր պատմական առաքելությունը՝ դավաճանել Ռուսաստանին և տանել Հայաստանը դեպի Արևմուտք»:
Նյութը հրապարակման պատրաստեց Կամո Խաչիկյանը
