Ինչի՞ց է վախենում Նիկոլ Փաշինյանը

Վարչապետի պաշտոնը զբաղեցնող Նիկոլ Փաշինյանն օրեր առաջ պաշտոնից ազատել է պետական պահպանության ծառայության պետ, գեներալ մայոր Սարգիս Հովհաննիսյանին և նրա փոխարեն ժամանակավոր պաշտոնակատար նշանակել նրա տեղակալ Արթուր Գասպարյանին։ Կառավարությունը մինչ այս պահը որևէ կերպ չի մեկնաբանել Սարգիս Հովհաննիսյանի պաշտոնանկությունը, թեև ներքին խողովակներով և իրենց ենթակա լրատվամիջոցներով տեղեկություններ են տարածում, թե դեպքը կապված է հենց նույն օրը տեղի ունեցած հրավառությունների հետ։

Հիշեցնենք, որ Դվին հյուրանոցի մոտ չափազանց ուժգին հրավառություն էր եղել, ինչն արգելված է օրենքով, և քաղաքի մի մասի բնակիչները ցնցվել էին հատկապես վախից։ Ի դեպ Դվին հյուրանոցը գտնվում է հենց Պռոշյանի առանձնատների մոտ, որտեղ էլ բնակվում է Նիկոլ Փաշինյանը, իսկ վերջինս սովորություն ունի երեկոներն առնչվել ալկոհոլի շշի հետ և չի բացառվում, որ այդ օրը ևս լրջորեն ահաբեկվել է հրավառության ձայներից և հապշտապ որոշում կայացրել իր թիկնազորի պետին պաշտոնանկ անելու վերաբերյալ։

Սակայն ՔՊ մեր աղբյուրները նշում են, որ Սարգիս Հովհաննիսյանի ազատումն ամենևին էլ հրավառության հետ կապված չէ, Փաշինյանը տևական ժամանակ վախեր ունի հատկապես իր վերջին հակառուսական դեմարշներից հետո, որ իրեն և ընտանիքի անդամներին կարող են վնասել, ուստի և չի վստահում այլևս ոչ մեկի, անգամ իրեն ամենամերձավոր կանգնած մարդկանց՝ այդ թվում Սարգիս Հովհաննիսյանին։

Ըստ որոշ աղբյուրների՝ նա նույնիսկ տեղեկություն է ստացել, որ Հովհաննիսյանը վերջերս ինչ-ինչ կասկածելի մարդկանց հետ հանդիպումներ է ունեցել, փորձել է այդ մասին անձամբ ճշտել, սակայն փոխարենը հերքում է ստացել։ Նստվածքը, սակայն, ամենևին էլ չի անցել, և Փաշինյանը, հրավառությունն ընդամենը պատրվակ բերելով, ազատվել է Սարգիս Հովհաննիսյանի ծառայություններից։

Գայանե Մանուկյան