Անվանել է այն խոչընդոտը, որը կխանգարի Հայաստանին անդամակցել ՆԱՏՕ-ին
ՎԵՐԼՈՒԾՈՒԹՅՈՒՆՆԵՐ
Regnum.ru–ն գրում է, որ ՆԱՏՕ-ն շահագրգռված է Անդրկովկասում իրավիճակի ապակայունացմամբ և Ռուսաստանին հարևան երկրներում իրավիճակը խարխլելու տրամադրություններով, սակայն քանի դեռ Հայաստանը մնում է Հավաքական անվտանգության պայմանագրի կազմակերպության (ՀԱՊԿ) անդամ, նրան վիճակված չէ միանալ Հյուսիսատլանտյան դաշինքին։ «Regnum» գործակալությանը տված հարցազրույցում նման կարծիք է հայտնել քաղաքագետ Ստանիսլավ Տարասովը։
Ավելի վաղ ՆԱՏՕ-ի Եվրոպական զարգացման կոմիտեի նախագահ Գյունտեր Ֆելինգերը դիմել էր Հայաստանին Հյուսիսատլանտյան դաշինքին միանալու կոչով։ Նա իր առաջարկը հրապարակել էր սոցցանցերից մեկում։
Քաղաքագետ Տարասովի կարծիքով ՆԱՏՕ-ի կողմից նման առաջարկ արվել է նախօրեին Հայաստանի վարչապետ Նիկոլ Փաշինյանի կողմից Ռուսաստանի հասցեին արված սադրիչ հայտարարության ֆոնին։ Նա ասել էր, որ անվտանգության ամբողջական կախվածությունը մեկ պետությունից ռազմավարական սխալ է։
«Փաշինյանը վաղուց զոմբիացման բանակցություններ է վարում Արևմուտքի և ՆԱՏՕ-ի հետ, որպեսզի մտածի և շահավետ կերպով ապահովի իր արտաքին քաղաքական ռազմավարությունը։ Բայց Արևմուտքին չի հաջողվի Երևանին ներքաշել դաշինքի մեջ, քանի որ Հայաստանը ՀԱՊԿ անդամ է։ Եվ հիմա եկել է բլեֆի ժամանակը: Այս կերպ Փաշինյանը խաղում է Արևմուտքի հետ, որպեսզի խրախուսի Մոսկվային քայլեր ձեռնարկել ղարաբաղյան ուղղությամբ»,- պարզաբանել է Տարասովը։
Քաղաքագետը կարծում է, որ Հայաստանի վարչապետը փորձում է իր համար ավելի բարենպաստ ուղղությամբ փոխել ԼՂ վերաբերյալ համաձայնագիրը, որը Երևանն ու Բաքուն ստորագրել են դեռ 2020 թվականին։ Այնպես որ, Տարասովի խոսքով, Փաշինյանն ակնկալում է իր հայտարարություններով ազդել Մոսկվայի վրա, իսկ հակառակ դեպքում պատրաստ է որոշակի լոյալություն ցուցաբերել Արևմուտքի երկրների նկատմամբ։
Բացի այդ, Տարասովը նշել է, որ ՆԱՏՕ-ն շահագրգռված չէ ավարտել Անդրկովկասում երկաթուղային հատվածի կառուցման նախագիծը, որը կդառնա կարևոր լոգիստիկ միջանցք Ռուսաստանի և հարևան երկրների համար թույլ տալով մուտք գործել Իրան և Հնդկաստան։ Դա, ըստ քաղաքագետի, անհանգստացնում է դաշինքի անդամներին, ուստի նրանք փորձում են խաթարել հարաբերություններն այն պետությունների հետ, որոնք այդ ապագա երկաթուղու սահմաններում են։ «Լարված իրավիճակի համար իսկապես պայմաններ կան։ Ուստի սկզբում փորձեցին ազդել Վրաստանի վրա և նրան շրջել Ռուսաստանի դեմ։ Բայց հենց այն փաստը, որ Անդրկովկասը սկսել է թրթռալ հայ-ադրբեջանական խնդրահարույց հարաբերությունների պատճառով՝ տագնապ է առաջացնում»,-ասել է Տարասովը։
Քաղաքագետը, սակայն, կասկած է հայտնել, որ Հայաստանն ու ՆԱՏՕ-ն առաջ կանցնեն միայն միմյանց ուղղված հայտարարություններից ու պայմանական երախտագիտությունից: Բացի այդ, նրա կարծիքով, հանրապետության վարչապետն այդպես փորձում է հասարակության ուշադրությունը շեղել երկրի ներսում առկա խնդիրներից։ Տարասովի խոսքով Փաշինյանին հիմա շատ ավելի հարմար է անկայունության մեջ մեղադրել արտաքին գործոններն ու հարևաններին: Սակայն այժմ, ըստ քաղաքագետի, հանրապետության հետագա գործողությունները կախված կլինեն նրանից, թե Հայաստանի քաղաքացիներն ինչպես կվերաբերվեն իրենց ղեկավարության նման անկեղծ հակառուսական կոչերին և հնչեցված արևմտամետ դիրքորոշմանը։
Նյութը հրապարակման պատրաստեց Կամո Խաչիկյանը
