ՆԱՏՕ-ի հետ համագործակցության մասին չպետք է մտածենք, Եվրոպայում ավանգարդ երկիրը Թուրքիան է. Օհանյան
ՔԱՂԱՔԱԿԱՆՈՒԹՅՈՒՆԵրանի մի օր արթնանայինք եւ տեսնեինք, որ մեր հայրենիքը մաքրվել է այն մարդկանցից, որոնք ինքնուրույն չեն գործում եւ մեր շահերից բխող որոշումներ չեն ընդունում: Այս մասին այսօր՝ սեպտեմբերի 4-ին, ԱԺ-ում լրագրողների հետ զրույցում նշեց «Հայաստան» խմբակցության ղեկավար Սեյրան Օհանյանը՝ անդրադառնալով վարչապետ Նիկոլ Փաշինյանի հայտարարությանը, թե մի օր կարող է արթնանաք ու տեսնենք, որ Ռուսաստանը հեռացել է մեր տարածաշրջանից:
«Երանի մի օր արթնանայինք ու տեսնեինք, որ ունենք իշխանություն, որը ռզմաքաղաքական իրավիճակից, անվտանգության միջավայրի առանձնահատկությունները, ներքին ու արտաքին մարտահրավերները հաշվի առնելով որոշում ընդունելով առաջնահերթություններն են առաջ տանում, ոչ թե երկրորդական պահերը:
Ես ձեզ հավաստիացնում եմ, որ նույնիսկ այս դժվարին պայմաններում հայ ժողովուրդն է մեր դիրքերի պաշտպանողը, մեր սահմանները պահողը, եւ եթե նորմալ ղեկավարներ լինեն, նա ի վիճակի է մեր երկիրը պաշտպանելու համար: Ովքեր փորձում են այդ ամենը գցել ուրիշների վրա, նշանակում է չեն աշխատում»,-ասաց նա:
Սեյրան Օհանյանի խոսքով, ՀԱՊԿ-ն է, որ բազմակողմ հարթակով ապահովում է Հայաստանի եւ մյուս երկրների անվտանգությունը. «ՆԱՏՕ-ի հետ մենք այն ժամանակ համագործակցել ենք, որովհետեւ մեր հարեւան երկիրը՝ Թուրքիան ՆԱՏՕ-ի անդամ է, իսկ Ադրբեջանը, լայն շրջանակներում համագործակցում է ՆԱՏՕ-ի հետ եւ մենք համագործակցել ենք, որ տեղեկատվական համակարգին տիրապետենք»:
Ինչ վերաբերում է դեպի ՆԱՏՕ գնալուն, Սեյրան Օհանյանն ասաց. «ՆԱՏՕ-ի առաջատար ստորաբժանումը, Արեւմուտքի ավանգարդը մեր տարածաշրջանում Թուրքիան է: Մենք այսօր դրա մասին չպետք է մտածենք: Դա նշանակում է չտիօրապետել մեր աշխարհագրությանը: Աշխարհագրորեն մենք ավելի շատ ՀԱՊԿ-ին ենք մոտ, քան Արեւմուտքին: Մենք հին պատմամշակութային ավանդույթներ ունենք ՀԱՊԿ-ի շրջանակներում, հատկապես ՌԴ-ի հետ: Մյուս կողմից մենք գտնվում ենք Արեւմուտքի եւ Արեւելքի հատման կետում եւ կարող ենք նեւ կամուրջ հանդիսանալ նրանց միջեւ»,-ընդգծեց Սեյրան Օհանյանը:
