Կարող ուժերը պետք է հավաքվեն, ստեղծեն 7-11 հոգանոց կոմիտե, պայմանագիր ստորագրեն. Վազգեն Մանուկյան
ՔԱՂԱՔԱԿԱՆՈՒԹՅՈՒՆԱդրբեջանը խնդիր է դրել Արցախն ազատել հայ բնակչությունից, ստեղծել պայմաններ, որ հայերն այնտեղից գնան, ով կմնա՝ տեղահանել կամ կազմակերպել կոտորած. Շատ հստակ է ծրագիրը: Այս մասին, այսօր՝ սեպտեմբերի 2-ին, Ազատության հրապարակում ընդդիմության հանրահավաքում իր ելույթում նշեց Հայաստանի նախկին վարչապետ Վազգեն Մանուկյանը:
«Իսկ ինչ ծրագիր ունի Հայաստանի հետ, որ դրանից հետո Հայաստանի հետ պետք է խաղաղ ապրի՞: Ոչ, նրանք ասում են, որ Երեւանն իրենց պատմական հողն է, այսինքն իրենց ծրագիրն է անջատել Արցախն ու Հայաստանը, կուլ տալ Արցախը, հետո Հայաստանը: Զուգահեռ այդ աշխատանքը կատարվում է: Զուտ մաթեմատկորեն գհարցը չի լուծվում, եթե առանձին Հայաստանի հարցն ենք լուծում, եւ առանձին՝ Արցախի հարցը: Դրանք իրար հետ շաղկապված են, մեկն առանց մյուսի կմեռնի: Արցախը կանգնում է եւ հայտարարում է պայքար, ուժ է ցուցադրում, չի գնում գայթակղությանը, որ Ադրբեջանի ճանապարհով իրեն հաց բերեն: Ասում է՝ սոված կմնամ, բայց էդ ծուղակը չեմ ընկնի:
Իսկ Հայաստանի իշխանությունն ասում է՝ Ղարաբաղը թողնենք, խաղաղ ապրենք: Դա ոչ միայն բայորական կամ ազգային ու քաղաքական տեսակետից սխալ է, յլ սխալ է ի սկզբանե, որովհետեւ Ադրբեջանի ծրագիրը պահանջում է երկուսի ոչնչացումը»,-ասաց նա:
Վազգեն Մանուկյանը հավելեց, որ հիմա Նիկոլ Փաշինյանը հայտարարում է, որ ինչ-որ միջազգային կառույցներ պետք է ապահովեն Արցախի բնակչության անվտանգությունը. «Սուտ է ասում, չկա այդպիսի բան: Ռուսական բանակն այնտեղ կանգնած է, այդ խնդիրը չի կարողանում լուծել, ֆրանսիացիները ուզում են մեքենայով ապրանք տանել, չեն կարողանում, էդ ո՞նց է այդ խնդիրը միջազգային կարգով լուծվում, դա անլուծելի խնդիր է»,-ասաց նա՝ հավելելով, որ մեր ազգի ու պետության շահերի հարցը լուծվելու է ոչ թե որեւէ այլ երկրում, այլ հենց Երեւանում:
«Այդ ազգային հարցերը մենք ժողովրդով որոշել ենք, եկել ենք համաձայնության եւ դրա հիման վրա գրել ենք հռչակագիր, որը դարձել է մեր պետության, մեր Սահմանադրության հիմքը: Նիկոլը խախտում է Սահմանադրությունը»:
Վազգեն Մանուկյանը դիմեց ուժային կառույցներին. «Հիշեք, որ դուք երդվել ենք երկիրը, Սահմանադրությունը պաշտպանելու, ոչ թե Նիկոլին պաշտպանելու: հավաքվեք իրար հետ ընտանիքներով խոսեք: Ձեր առօրյա պարտականությունները շարունակեք կատարել, բայց քաղաքական այն որոշումները, որոնք հակասում են մեր սահմանադրությանը, դու պարտավոր չեք կատարել, դուք մեղսակից կլինեք, եթե կատարեք»:
Նա ընդգծեց, որ եթե Հայաստանն է, Արցախի պես նույն պնդությամբ, համառությամբ, սկզբունքների շուրջ համախմբված մնան, աշխարհը հաշվի կնստի մեզ հետ: «Պետք է լինի ազգային ժողովրդական շարժում: Ժամանակն է նորից վերադառնալ այդ վիճակին: Կան կարող ուժեր, ես գտնում եմ, որ նրանք պետք է համախմբվեն, իրար հետ պայմանագիր կնքեն, որ գնում ենք այս խնդիրը լուծելու, ամեն մեկս ունի այս լիազորությունը, այս պարտավորությունը: Նրանք պետք է 7-11 հոգանոց կոմիտե ստեղծեն, որը ղեկավարելու է շարժումը: Դրանից հետո կոմիտեն պետք է որոշում ընդունի եւ բոլորը պետք է ենթարկվեն այդ որոշումներին: Այդ կոմիտեի առաջին հաղթանակը պետք է լինի իշխանությունը փոխելը: Դա բաքվում եւ Անկարայում կընկալեն որպես մեծ պարտություն: Ես կոչ եմ անում բոլոր կարող ուժերին՝ համախմբվել, իրար հետ պայմանագիր ստեղծեն, ստեղծեն այդ կոմիտեն, բայց այդ կոմիտեն այստեղ պետք է քվեարկվի»,-ընդգծեց նախկին վարչապետը:
