«Հանգստացել և մոռացել եմ ամեն ինչի մասին»
ՀԱՍԱՐԱԿՈՒԹՅՈՒՆ
Glas.ru–ն գրում է, որ Ռուսաստանի Դաշնությունից ժամանած զբոսաշրջիկը խանդավառ կարծիք է հայտնել Հայաստանում իր հանգստի մասին և բողոքել գողերից:
Հայաստանը ռուսների համար գրավիչ տուրիստական վայր է, որտեղ գործում է առանց վիզայի ռեժիմ։ Մի ռուս կին վաղուց էր ուզում մտնել այդ երկիր և այն մասին, թե արդյո՞ք հիասթափված է ինքը Հայաստան կատարած ճանապարհորդության մասին նա ակնարկ է թողել irecommend.ru հարթակում։ Նա հանգրվանել է Երևանի «Անդոր» հյուրանոցի բյուջետային համարում 4 գիշերվա համար վճարելով 82 հազար դրամ (19,8 հազար ռուբլի): Հյուրանոցը եղել է նոր է ընդարձակ, անձնակազմը բարեհամբույր։
Զբոսաշրջիկը Երևանով շրջագայությունը սկսել է բլրի վրա գտնվող Կասկադ համալիրից։ Ռուս զբոսաշրջիկն այցելել է Ծիծեռնակաբերդի հուշահամալիր, Կապույտ մզկիթ, Վերնիսաժի շուկա, Սուրբ Գրիգոր Լուսավորիչ տաճար։ Նա նշել է, որ Հայաստանում տաքսիով երթևեկելը հարմար է, բայց այն ուժեղ հարվածում է դրամապանակին։ Հնարավոր է մեքենա վարձել, բայց պետք է զգույշ լինել ոլորապտույտ ճանապարհներին։ Ռուսաստանի Դաշնության մայրաքաղաքի կամ խոշոր քաղաքների բնակիչների համար Երևանում չեն թվա բարձր։
Զբոսաշրջիկը նաև պատմել է, որ ճամփորդության վերջին օրն իր հետ անհարմար իրավիճակ է ստացվել: «Երևանում գողացել են հեռախոսս, ընդամենը մի քանի րոպեում այն հանել են ուսապարկիս դրսի գրպանից։ Դա տեղի է ունեցել երեկոյան Հյուսիսային պողոտայում։ Վերջին օրը ես հանգստացել էի ու մոռացել ճանապարհորդելիս անվտանգության բոլոր նախազգուշական միջոցների մասին»,- խոստովանել է ճանապարհորդը:
Ռուս զբոսաշրջիկը հավելել է, որ անգամ գողացված հեռախոսը չի փչացրել իր ուղևորությունը Երևան: Նա խորհուրդ է տալիս բոլորին այցելել այդ քաղաքը:
Նյութը հրապարակման պատրաստեց Կամո Խաչիկյանը
