«Օդանավակայն» շոուն

Օգոստոսի 17-ին հայ հանրությունն ականատես դարձավ Նիկոլ Փաշինյանի կողմից հրամցվող հերթական տրագիկոմեդիային, որը նա մատուցեց իրեն բնորոշ սարկազմիկ ու ցինիկ տեսարանային ժանրեին համապատասխան։ Հերթական անգամ ականտես եղանք բավական հիասաթափեցնող իրավիճակների ու դրվագների, բայց սրանց մասին հերթականությամբ։

Նշենք, որ Փաշինյանը շրջայց էր կատարել «Սյունիք» օդանավակայանի տարածքում, ծանոթացել ընդհանուր  ստեղծված պայմաններին, ապա մասնակցել Սյունիքի մարզպետի աշխատակազմի 2022 թվականի գործունեության հաշվետվության քննարկմանը: Ավելին, վերջում էլ հպարտորեն հայտարարել, թե «արդեն պատրաստ ենք իրականացնել Երևան-Կապան ավիաչվերթներ»։

Առաջին հայացքից թվում է, թե տեղի ուենցածում ոչ մի առանձնահատուկ ու ռիսկային դրվագ չկա, սակայն, ինչպես սովորաբար լինում է փաշինյանական գործելաոճի պարագայում, ռեզոնանսն ուշացնել չտվեց, և արդեն օգոստոսի լույս 18-ի գիշերը ժամը 04։24-ին ադրբեջանական կողմից, դեռևս չպարզաբանված ավտոմեքենայով, Հայաստան-Ադրբեջան սահմանագծի Կապանիօդանավակայանի հարակից տարածք եկած անհայտ անձը Ադրբեջանի տարածքից երեք կրակոց էր արձակել Կապանի «Սյունիք» օդանավակայանի ուղղությամբ և հեռացել։ Նշենք, որ փամփուշտներից երկուսը վնասել են օդանավակայանի պատուհաններից մեկը և տանիքը։ Այս մասին հայտնի դարձավ ԱԱԾ պաշտոնական հաղորդագրությունից։

Տեղի ուենցածին հաջորդեց Ադրբեջանից հնչած արագացված մեսիջը․ մեջլիսի պաշտպանության, անվտանգության և կոռուպցիայի դեմ պայքարի կոմիտեի ղեկավարը հաստատել էր, որ Կապանի օդանավակայանի ուղղությամբ կրակահերթերը պատահական չեն եղել և դրանով Ադրբեջանը զգուշացնում է, որ թույլ չի տա Երևանից Կապան կանոնավոր ուղևորափոխադրումներ իրականացնել: Ըստ էության՝ տեղի ուենցածը խոսում է այն մասին, որ ՀՀ-ն իր տարածքում փաստացի չի կարողանում և ի վիճակի չէ որևէ քայլ կատարել, ինչը չի համապատասխանում ադրբեջանական քիմքին։ Ի դեպ՝ նման դրվագների օրինակներից են նաև Սոթքի հանքավայրի շահագործման արգելքը, Երասխում մետալուրգիական գործարանիկառուցումը: Հատկանշական է այն, որ արդեն իսկ ուրվագծվում են մի քանի խոշոր հանքարդյունաբերական ձեռնարկություններ, որոնց վերաբերյալ ադրբեջանական կողմը քարոզչական պատերազմ է սկսել, ավելին՝ թեման բարձրացրել միջազգային մակարդակ:

Պետք է արձանագրենք, որ այս ամենի մեջ, թերևս, զարմանալու ու նեղսրտելու կարիք չկա, քանի որ երկու տարուց ավել է, ինչ Ադրբեջանը փաստացի բռնազավթել է ՀՀ սուվերեն տարածքները, տարբեր փորձագետներ խոսում են մինչև 150-200 քառակուսի կիլոմետր տարածքի մասին, և ոչ միայն չի պատրաստվում հետ քաշվել, այլ հակառակը ֆունդամենտալ ու հիմնային շինաշխատանքներ են կատարում, ինչը խոսում է, որ արդեն իսկ «դաբրո» ունեն ՀՀ հակահայ իշխանություններից։ Չնայած, Նիկոլն իր տարբեր ելույթներում խոսում է, «հայելային հետքաշումների» մասին, սակայն, ինչպես հայտնի է բոլորիս, դրանք ընդամենը տեսարանային պնդումներ են և յուրաքանչյուր տրամաբանող անհատի համար պարզ է, որ այդ ամենը բարձրաձայնվում է՝ ներքաղաքական օրակարգում թեման «տաք» պահելու և սեփական իշխանության կյանքը երկրարացնելու նպատակով։ 

Կասկածից  վեր է, որ «Սյունիք» օդանավակայանն անվտանգ կարող է շահագործվել միայն այն դեպքերում, երբ կամ ադրբեջանցիներին համապատասխան դիրքերից հետ շպրտված կլինեն, կամ, երբ ՀՀ-ում կլինի իշխանություն, որի պարագայում ադրբեջանցիները նման քայլի գնալուց առաջ իրենց քայլերի հետևանքների մասին երկար ծանրութեթև կանեն ու այդպես էլ սադրանքի չեն գնա: Իսկ վերջում ուղղակի արձանագրենք, որ նման դրվագներով Ալիևը հերթական ապտակն է հասցնում Նիկոլին և ցույց տալիս, թե ինչ վերաբերմունք ունի իրականում նրա նկատմամբև ցույց տալիս իր տեղը։

Արմեն Հովասափյան