«Սև կարապ» հեռագրային ալիք. Ռուսաստանը գտել է, թե որտեղից կարելի է պատժամիջոցների տակ գտնվող ապրանքներ գնել, բայց դա չի ուրախացնում
ՎԵՐԼՈՒԾՈՒԹՅՈՒՆՆԵՐ
Rosbalt.ru-ն գրում է, որ Արևմուտքի շարքային վերլուծաբաններն ահազանգում են. Գերմանիան հունիսին 87 %-ով ավելացրել է ապրանքների արտահանումը Վրաստան 2021 թվականի նույն ամսվա համեմատ, իսկ Ղազախստանում էլ գերմանական ապրանքները գնվել են էլ ավելի մեծ աճով՝ 137 %-ով ավելի։ Բեռլինը կռահում է, որ հետո ապրանքների զգալի մասը վերաարտահանվում է Ռուսաստան, և դա ողջունելի չէ։ Ավելին, ընդհանուր առմամբ, Գերմանիայից ապրանքների նոր պատվերներ չեն ստացվում, քանի որ արդյունաբերության Գնումների մենեջերների ինդեքսում (PMI) համապատասխան ենթաինդեքսն իջել է և նվազագույնի վրա է։ Նման իրավիճակ է նաև ճապոնական ապրանքների արտահանման դեպքում։ Այս տարվա հունիսին Ճապոնիան Վրաստան է մատակարարել 75 %-ով ավելի ապրանք, քան 2021 թվականի հունիսին, իսկ Ղազախստան առաքումների աճն 110 %-ով է։
Ռուսաստանը, ըստ երևույթին, գտել է սանկցիոն ապրանքների ներմուծման ուղիները։ Միայն նայեք Հայաստանից Ռուսաստան արտահանումը. այն այս տարվա առաջին հինգ ամիսներին նախորդ տարվա նույն ժամանակահատվածի համեմատ աճել է 3,3 անգամ։ Երևանից մեքենաների վերաարտահանումն է նկատելի: Միևնույն ժամանակ, ուղղակիորեն Չինաստանից մեքենաների ներմուծումն առաջին կիսամյակում աճել է 543 %-ով և կազմել 4,6 մլրդ դոլար։ Նույն կերպ է բացատրվում նաև Բելառուսից ապրանքների արտահանման ռեկորդային աճը։
Այդ ամենն ուժեղացնում է Բելառուսի, Հայաստանի, Ղազախստանի և Վրաստանի փոխարժեքները ռուբլու նկատմամբ, այդ թվում կապված Ռուսաստանից կապիտալի ներհոսքի հետ դեպի այդ երկրներ։
Դեպի Ռուսաստան ներմուծման նման աճը հակադրվում է այն փաստին, որ համաշխարհային տնտեսությունը բեռնահոսքերի մեջ իրականում ռեկորդային անկում է ապրում։ Մասնագիտացված Drewry's World Container Index-ն այժմ իջել է մինչև 1575,62 կետ, այսինքն նվազագույնի մինչև համաճարակային արժեքից:
ԱՄՆ-ում ստվարաթղթե արկղերի պահանջարկը կտրուկ նվազում է, և դա նույնպես ուժեղ ռեցեսիայի նշան է, որն ի վերջո, ամենայն հավանականությամբ, կազդի բոլոր արևմտյան երկրների վրա։ Օրինակ, Packaging Corp-ը տագնապով նշել է, որ Ամերիկայում երկրորդ եռամսյակում նման տուփերի վաճառքը նվազել է 9,8 %-ով՝ առաջին եռամսյակի 12,7 % անկումից հետո։ FreightWaves Research-ը նշել է, որ արկղերի պահանջարկի նման անկում չի եղել 2008-2009 թվականների համաշխարհային ֆինանսական ճգնաժամի ավարտից հետո։
Իսկ Ռուսաստանի բախտը բերել է շատ ու մեծ ծավալներով։ Միևնույն ժամանակ, սովորական արևմտյան վերլուծաբանները սխալվում են կարծելով, որ Վաշինգտոնում պատժամիջոցների քաղաքականության ճարտարապետները տեղյակ չեն այդ ամենի մասին։ Տեղյակ են, ընդ որում դա նույնիսկ կանխատեսել են։
Լուրջ ասած, եթե չլիներ չինական և այլ ներկրվող մեքենաների արագ անցնելու հնարավորությունը, ապա ռուսական ավտոմոբիլային արդյունաբերությունը պարզապես ստիպված կլիներ զարգացման այլ տեմպերով գնալ, այլ ոչ թե ներկայիս տեմպերով շարժվեր, որն ավելի շատ նման է կատվին, որը քնած է ամառվա շոգին: Նույնը վերաբերում է նաև ներմուծման այլ տեսակներին։
Հետաքրքիր է այն, որ ռուբլու ուժեղ արժեզրկումը կարող է սառը ցնցուղի դեր խաղալ։ Այնուամենայնիվ, սեփական արտադրությունը լրջորեն գործարկելու և այլ երկրների միջոցով Եվրամիությունից և ԱՄՆ-ից ապրանքներ չներմուծելու, ինչպես նաև Չինաստանից նոր ապրանքներ ձեռք բերելու համար դա ակնհայտորեն բավարար չէ։ Այստեղ մեզ պետք է մտածված տնտեսական, սպառողական և տեղեկատվական քաղաքականություն վարենք։ Սպասում ենք այն պահին, երբ Պետդումայի պատգամավորների Լադայի, Մոսկվիչի և Աուրուսի անցնելուց հետո, մարզերում տեղական քաղաքական էլիտան նույնպես կհրաժարվի արտասահմանյան մեքենաներից։ Դա առնվազն կարող է լավ տեղեկատվական ժեստ լինել ընտրողների նկատմամբ սեպտեմբերին կայանալիք ընտրության օրվան ընդառաջ:
Նյութը հրապարակման պատրաստեց Կամո Խաչիկյանը
