Փաշինյանական վարչախումբը վրեժ է լուծում մտավորականներից

Փաշինյանական վարչախումբը վրեժ է լուծում ոչ միայն իր քաղաքական գործիչ ընդդիմախոսներից, այլ նաև մշակույթի գործիչներից և փորձում ամեն գնով ցույց տալ, թե հենց ինքն է իրավիճակի տերը և ինչ ուզի կարող է անի։

Երևանի քաղաքապետարանը մրցույթ է հայտարարել «Մհեր Մկրտչյան» արտիստական թատրոնի տնօրենի պաշտոնի համար։ Մամուլում տարածված տեղեկությունների համաձայն՝ քաղաքապետարանը լրջորեն քնարկում է դերասան՝ Նիկոլ Փաշինյանի աջակից Սոս Ջանիբեկյանի թեկնածությունը։ Հիշեցնենք, որ «Մհեր Մկրտչյան» արտիստական թատրոնի տնօրենի պաշտոնը զբաղեցնում էր հռչակավոր դերասանի եղբորորդին, տաղանդավոր ռեժիսոր Մհեր Մկրտչյանը, որը 44-օրյա պատերազմից հետո գործող վարչախմբի ամենախիստ քննադատներից մեկն էր, իսկ նրա նկարած «Իշխանություն 1» և «Իշխանություն 2» ֆիլմերը բացահայտում էին Նիկոլ Փաշինյանի իրական մտադրությունները Հայաստանի Հանրպետության դեմ։

Գործող վարչախումբն, իհարկե, ամեն ինչ արեց «Մհեր Մկրտչյան» թատրոնի տնօրենի պաշտոնից Մհեր Մկրտչյանին ազատելու համար, իսկ այժմ էլ փորձում են նշանակել մեկին, ով վաղուց այլևս վարկաբեկվել է, թե,՛ որպես դերասան և, թե՛ որպես մտավորական։ Թեև քաղաքապետարանից պնդում են, թե յուրաքանչյուր ցանկացող կարող է մասնակցել հայտարարված մրցույթին, սակայն վստահաբար կարելի է ասել, որ Երևանի փոխքաղաքապետն արդեն իսկ մտքում ունի իր նախընտրած թեկնածուն։

Թատրոնի անձնակազմը դեմ է, նրանք պահանջում են այդ պաշտոնում նշանակել մարդու, ով ընդհանրապես կապ ունի «Մհեր Մկրտչյան» թատրոնի հետ և նրանց նախընտրած թեկնածուն Արծրուն Չոբանյանն է, սակայն փաշինյանական իշխանությունը մտադիր չէ ընկրկել և վստահաբար առաջիկայում ականատեսը կլինենք, թե ինչպես հերթական մի կամակատարի նշանակում են «Մհեր Մկրտչյան» արտիստական թատրոնի տնօրենի պաշտոնում։

Արմինե Մամյան