Հայկական համայնքը կոչ է արել Մալթային աջակցել Լեռնային Ղարաբաղում շարունակվող ճգնաժամի հարցում
ՎԵՐԼՈՒԾՈՒԹՅՈՒՆՆԵՐ
Maltatoday.com-ը գրում է, որ Մալթայի հայ համայնքը խաղաղ ցույց է անցկացրել կոչ անելով բացել Լաչինի միջանցքը, որը միակ ճանապարհն է, որով Լեռնային Ղարաբաղի տարածաշրջանի 120.000 էթնիկ հայ բնակիչներ ստանում են առաջին անհրաժեշտության ապրանքներ և ծառայություններ։ Փոքրիկ համայնքը հավաքվել էր Արտաքին գործերի նախարարության դիմաց, որպեսզի իրազեկի և աջակցություն փնտրի տարածաշրջանում ծավալվող հումանիտար ճգնաժամի համար: Համայնքը կոչ է արել Մալթայի կառավարությանն օգտագործել իր դիվանագիտական ուղիները և միջազգային ազդեցությունն իրավիճակի հրատապ լուծման համար և աջակցի Լաչինի միջանցքի բացմանը:
«Միջազգային ֆորումներում ամուր դիրքորոշում որդեգրելով Մալթան կարող է վճռորոշ դեր խաղալ Լեռնային Ղարաբաղում տուժած խաղաղ բնակիչների իրավունքների և բարեկեցության համար», - ասել է համայնքը:
Նշենք, որ 2022 թվականի դեկտեմբերի 12-ից ի վեր Լաչինի միջանցքն արգելափակվել է ադրբեջանական զինուժի կողմից, ինչը հանգեցրել է զարգացող հումանիտար աղետի, մատակարարումները դադարեցվել են, խանութների դարակները դատարկ են, դեղորայքն անհասանելի է։
Մամլո հաղորդագրության մեջ համայնքը նշել է, որ ակտիվորեն մասնակցում է տարբեր միջազգային կազմակերպությունների քննարկումներին, որոնց անդամ է Մալթան կոչ անելով անհապաղ ուշադրություն դարձնել «կրիտիկական իրավիճակին», ավելի քան մեկ շաբաթ է, ինչ մոտ 400 տոննա կենսականորեն անհրաժեշտ մարդասիրական օգնությունը չի հաջողվում հասցնել հայ բնակչությանն Ադրբեջանի կառավարության կողմից մատակարարման միակ ճանապարհի շրջափակման պատճառով։
«Անմեղ կյանքերը վտանգի տակ են, քանի որ առաջին անհրաժեշտության պաշարները, ներառյալ սնունդն ու դեղորայքը, չեն մտնում տարածաշրջան: Ե՛վ Արդարադատության միջազգային դատարանը, և՛ Մարդու իրավունքների եվրոպական դատարանը (ՄԻԵԴ) հրամայել են Ադրբեջանին բացել միջանցքը, սակայն, չնայած դատարանի որոշմանը, միջանցքը չի բացվել Ադրբեջանի կողմից հանգեցնելով մարդու իրավունքների պաշտպանության վերաբերյալ լուրջ մտահոգությունների»,- հայտարարել է համայնքը։ Ընդգծվել է, որ երեխաներն ամենախոցելի զոհերից են, նրանք տառապում են սննդի և հիմնական դեղամիջոցների խիստ պակասի պատճառով։ Տարեց անհատները չեն ստանում իրենց անհրաժեշտ աջակցությունը, քանի որ չկան մատչելի պարագաներ: Ճգնաժամը տարածաշրջանը թողել է առանց տրանսպորտային միջոցների, քանի որ չկա վառելիք, մարդիկ ստիպված են ժամերով սպասել երկար հերթերի մեջ միայն թե իրենց ընտանիքների համար մեկ հաց գնեն։
«Մենք չենք կարող ձեռքերը ծալած սպասել, քանի դեռ անմեղ կյանքերը, հատկապես երեխաներն ու տարեցներն են կրում այդ ավերիչ շրջափակման հետևանքները, - ասել է Մալթայի հայ համայնքի անդամ Աննան,- մենք փնտրում ենք Մալթայի համերաշխությունը և աջակցությունն ապահովելու, որ մարդասիրական օգնությունն արագ հասնի տուժած բնակչությանը»:
2022 թվականի հուլիսին Եվրահանձնաժողովն ընդունեց Ադրբեջանի Իլհամ Ալիևի ավտոկրատական ռեժիմը, քանի որ Ուկրաինա ռուսական ներխուժումից հետո գազի որոնումներն Ուրսուլա ֆոն դեր Լեյենին տարան Բաքու: Այնտեղ ԵՀ նախագահ և էներգետիկայի հարցերով հանձնակատար Կադրի Սիմսոնը հանդիպեց Ալիևին և ստորագրեց փոխըմբռնման նոր հուշագիր էներգետիկայի ոլորտում ռազմավարական գործընկերության վերաբերյալ: 2014 թվականից ի վեր Մալթան գազ է ստանում Ժնևում Ադրբեջանի առևտրային ստորաբաժանման՝ SOCAR-ի միջոցով, գործարք, որը պատված է կոռուպցիոն շղարշով:
Նյութը հրապարակման պատրաստեց Կամո Խաչիկյանը
