«Փաշինյանի ֆեյքերը. Հայաստանում կաշառակերության դեմ պայքարը փոխարինել են պոպուլիզմով»
ՎԵՐԼՈՒԾՈՒԹՅՈՒՆՆԵՐ
Akcent.site-ն գրում է, որ Հայաստանի վարչապետ Նիկոլ Փաշինյանը կտրիճորեն փորձում է կոռուպցիայի դեմ պայքարողի դեր խաղալ: Ճիշտ է, ակտիվները խլվում են հիմնականում ընդդիմության առաջնորդներից՝ Փաշինյանի քաղաքական հակառակորդներից։
Հայաստանի հակակոռուպցիոն դատարանը ողողված է Գլխավոր դատախազության հայցերով: Նրանք ցանկանում են բռնագրավել երկրի բոլոր նախկին ղեկավարների ունեցվածքը։ Անմիջական ցուցակում ընդգրկվել են 2 նախկին նախագահներ Ռոբերտ Քոչարյանն ու Սերժ Սարգսյանը, պաշտպանության և արդարադատության նախարարները, Քննչական կոմիտեի նախագահը, գլխավոր դատախազը, Երևանի քաղաքապետը: Գումարած տասնյակ թոշակի անցած դատավորներ, պատգամավորներ, պաշտոնյաներ և նույնիսկ քահանաներ:
Օրինակ՝ Քոչարյանի հետ էին ասոցացվում Զանգեզուրի պղնձամոլիբդենային կոմբինատը, Ջերմուկի հանքային ջրերի գործարանը, ինչպես նաև հայկական պտուղ-բանջարեղենի խոշորագույն արտահանող «Սպայկա» ընկերությունը։ Քոչարյանի գրասենյակը հերքել է ստվերային բիզնեսին պատկանալու բոլոր այդ մեղադրանքները:
Կոռուպցիայի մասշտաբով Հայաստանը գտնվում է հետամնաց աֆրիկյան երկրների մակարդակում, ինչպիսիք են Ռուանդան կամ Նամիբիան։ Հետևաբար, Փաշինյանը հեշտությամբ հակակոռուպցիոն հռետորաբանություն է օգտագործում իր քաղաքական պայքարում։ Ժողովրդին դա դուր է գալիս։
Փաշինյանն անձամբ է առաջ քաշել 2020 թվականի գարնանն ընդունված գույքի հարկադիր բռնագրավման մասին օրենքը: Անգամ Հայաստանի գլխավոր դատախազությունում ստեղծվել է մի ամբողջ վարչություն, որը զբաղվում է ապօրինի ձեռք բերված գույքի բռնագրավմամբ։ Անձամբ Փաշինյանի մերձավոր շրջապատին, սակայն, այդ վարչության պատժող ձեռքը չի կպչում: Անհասկանալի է, չե՞ն գողանում, թե՞ ընդհանրապես անձեռնմխելի են:
Նյութը հրապարակման պատրաստեց Կամո Խաչիկյանը
