«Ապրելու երկրի» ուշագրավ նախաձեռնությունը

Երևանի քաղաքապետի ընտրություններին ընդառաջ «Ապրելու երկիր» կուսակցությունն ուշագրավ մի նախաձեռնություն է ներկայացրել տրանսպորտի վիճակը բարելավելու և ենթակառուցվածքները կարգավորելու ուղղությամբ:

 

Մասնավորապես, «Ապրելու երկիր» կուսակցության նախագահ Մանե Թանդիլյանն երեկ ներկայացրել է Երևանում իրենց հաղթանակի դեպքում կառուցվելիք ճոպանուղու նախագիծը։ Նախատեսվում է զրոյից ճոպանուղու նոր կայաններ կառուցել, որոնք կսպասարկեն 7 ուղղղություն։ Աշխատանքների մեկնարկը խոստանում են տալ սեպտեմբերի 18-ից, հենց քաղաքապետի ընտրություններից հետո և ավարտին հասցնել մինչև 4 տարվա ընթացքում։ Ճոպանուղու 7 գծերը կսպասարկեն մի քանի ուղղություներ՝ Ֆրանսիայի հրապարակից դեպի Հյուսիսային ավտոկայան, Ավան, Նոր նորք, Նուբարաշեն, Շենգավիթի կայարանից՝ Կոմիտասի պողոտա, Լենինգրադյան փողոցից՝ Դավթաշեն, ապա՝ «Լամպերի գործարան», Աշտարակի խճուղուց դեպի Կինո Հայաստան։ Ըստ «Ապրելու երկիր» կուսակցության՝ ողջ նախագիծը կարժենա 50 միլիոն դոլար։

 

Օրինակ մետրոյի Աջափնյակ կայարանն, որի մասին իշխանություններն ընդամենը հայտարարում են, ամբողջությամբ արժե 50 միլիոն դոլար։ Ճոպանուղին կլինի 70 կմ երկարության, կունենա միջինում 0,7 կմ արագություն և կգործի 94 կանգառ։ Առաջին կայարանի կառուցման աշխատանքները կավարտվեն 6-ից 10 ամիս անց, մեկ կայանի կառուցումը կարժենա 2 միլիոն դոլար, մեկ աշտարակը՝ մոտ 2000 դոլար, մեկ խուցը՝ 30-ից 50 հազար դոլար։

 

Ընդհանուր առմամբ նախատեսվում է կառուցել մոտ 100 խուց, ընդ որում նախաձեռնության ներկայացման արարողութան ժամանակ, մասնագետները փաստել են, որ ճոպանուղին աշխարհի ամենաանվտանգ տրանսպորտներից մեկն է և իր ողջ պատմության ընթացքում միայն 1 վթարի դեպք է եղել, այն էլ 90-ականներին Երևանում, երբ ճոպանուղին արդեն բարոյապես մաշված էր։

 

«Ապրելու երկիր» կուսակցությունը չափազանց ուշագրավ նախաձեռնություններ է անելու ոչ միայն այս, այլև այլ ոլորտներում։ Ի տարբերություն գործող իշխանությունների, որոնք ընդհանրապես չեն պատկերացնում, թե ինչպես պետք է կարգավորեն և հարցերը լուծում են օրվա իներցիայով, Երևանի ավագանու ընտրություններում գործող վարչախմբի գլխավոր մրցակից ուժն ունի հստակ հայեցակարգ, թե ինչպես է բարելավելու երևանցիների կյանքը։